असार १०
प्रधानमन्त्री शेरबहादुर देउवाले संविधान कार्यान्वयनका लागि तीन वटै तहको निर्वाचन जरुरी रहेको बताउनुभएको छ ।
नेपाल प्रेस युनियन कञ्चनपुरले आज बिहान भीमदत्तनगरमा आयोजना गरेको पत्रकार सम्मेलनमा उहाँले स्थानीय, प्रदेश र केन्द्र तहको निर्वाचनपछि संविधानको पूर्ण कार्यान्वयन हुने बताउनुभयो ।
प्रधानमन्त्री देउवाले स्थानीय तहको निर्वाचनपछि प्रतिपक्ष दल नेकपा ९एमाले०सहितसँग छलफल गरी संविधान संशोधन गरिने जानकारी दिनुभयो । ‘मधेसीले केही माग राखेका छन्’, प्रधानमन्त्री देउवाले भन्नुभयो, ‘दुई तिहाइ नपुगी संविधान संशोधन हुन सक्दैन ।’
संविधान संशोधन नभए पनि आन्दोलनरत पक्ष स्थानीय तहको निर्वाचनमा भाग हुनेमा आफू आशावादी रहेको उहाँले बताउनुभयो ।
उहाँले पञ्चेश्वर परियोजना बनाएर छाड्ने बताउँदै भन्नुभयो, ‘अपर कर्णाली र पश्चिमसेती बन्ने भइसके । पञ्चेश्वरको पनि डिपिआर तयार गरेर कामलाई अघि बढाउनेछु ।’
महाकाली नदीको चार लेनको पुल निर्माण चाँडै सुरु हुने जानकारी गराउनुभयो
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
