विभिन्न कार्यक्रम गरि अन्तराष्ट्रिय श्रमिक दिवस मनाइयो

सैघाली खबर काठमाण्डौं ,वैशाख १८

सन् १८८६ मा सुरु भएको मजदुर आन्दोलनको सम्झनामा आज विश्वभर १२९औँ अन्तर्रा्ष्ट्रिय श्रमिक दिवस मनाइएको छ । ‘आठ घण्टा काम, आठ घण्टा मनोरञ्जन र आठ घण्टा आराम’ भन्ने नाराका साथ अमेरिकाको सिकागोबाट विश्व मजदुर दिवस मनाउन सुरु भएको हो । अमेरिकाको सिकागोको हेय मार्केट भन्ने ठाउँमा बम विस्फोट भयो । त्यहि बम विस्फोट कसले गराएको भन्ने नखुले पनि प्रहरीले आन्दोलनरत मजदुरमाथि व्यापक दमन र्गयो।

प्रहरीको गोली लागेर सात मजदुरको मृत्यु भयो । सन् १८८९ मा फ्रान्सको पेरिसमा सम्पन्न विश्वका श्रम संगठन एवं श्रमिक नेताको बैठकले विश्व श्रमिक दिवस विश्वभर मनाउने निर्णय गरेको हो । त्यसयता सन् १८९० देखि हरेक वर्ष अंग्रेजी महिनाको मे १ तारिखमा श्रमिक दिवस मनाउन सुरु गरिएको हो । आज मजदुर दिवसको अवसरमा काठमाडौैंमा पनि विभिन्न संघ संस्थासँग आबद्ध मजदुरले ¥याली गर्नुका साथै विभिन्न कार्यक्रम पनि आयोजना गरेका छन् ।