असार ११ दाङ
अमिता चौधरी
घोराही उपमहानगरपालिकाका नेकपा एमाले महिला उपमेयर पदका उम्मेदवार सीता न्यौपाने संगको कुराकानी ।।
१ बधाई छ तपाई पार्टी बाट उपमेयरको टिकट पाउनुभएकोमा !
धन्यवाद तपाई अमिता अनि सैघाली खबर लाई र सम्पूर्ण आमा बुवा,दाजुभाई, दिदिबहिनीहरु लाई पनि ।
२ तपाईको राजनीतीक यात्राको बारेमा केहि भन्दिनुस् न ?
मेरो राजनीतीक यात्रा २०३५/०३६ सालको बहुदल र निर्दलको आन्दोलन हुँदा सात कक्षा पढ्दा देखि सुरु गरको हो । २०४६ साल देखि अहिले सम्म निरन्तर रुपमा लागि परेको छु । अग्रज राजनीतीक नेता कार्यकताको विशेष सहयोगमा मैले राजनीतीक यात्राको सुरुवात गरेको हो ।
३ तपाईको उम्मेदवारी किन ?
घोराही उपमहानगरपालिकाको समग्र विकासको लागि मेरो उम्मेदवारी हो । यहाँको विकासको बारेमा विशेष जानकार भएको हुँदा मैले उम्मेदवारी दिएको हो । सम्भाबित कुराहरुलाई खोत्लदै काम गर्नको लागि उम्मेदवारी रहेको छ । यहाँको महिलाहरुको शिक्षा, स्वास्थ्य, रोजगारको बृद्धि विकासको लागि मैले उपमेयर पदमा उम्मेदवारी दिएको हो ।
४ घरदैलो अभियान समग्रमा कस्तो छ ?
नेकपा एमाले पार्टीले विशेष प्राथमिकता दिएको छ । कुनै पनि गाउँ, टोल, समाज, र प्रत्येक ठाउँमा गई सबै मतदाता शिक्षा संगै घरदैलो कार्यक्रम सञ्चालन गरीरहेका छौं । बृद्धबृदा,आमाबुवा सबै लाई विषेश मध्यनजरमा राखेका छौ ।
५ मतदाताहरुको प्रतिकृया कस्तो पाउनुभयको छ ?
एकदमै राम्रो छ । मतदाताहरुको प्रतिकृया मैले राम्रो पाएको छु । यतिवेला चुनावको बेला घरदैलो अभियान व्यस्त छु । अहिले पनि घरदैलो कार्यक्रममा छु । राम्रो काम गर्नुहोला तपाईलाई भोट दिएर जिताउछौं भनिरहनुभयको छ । जनतको कुराले हामीलाई उत्साहित बनाएको छ । हामीले विगतमा गरेका कामहरुले यतिबेला पनि मतदाताहरुलाई एकलमै उत्साहित बनाएको छ ।यहाँको महिला दिदि बहिनीहरुको सवालका बिषयमा सम्बोधन गर्छ भन्ने मतदाताहरुले बिश्वास लिनुभयको छ ।
६ यदि तपाई जित्नु भयो भने महिलाहरुका लागि कस्ता खालको रणनीती अपनाउनु हुनेछ ?
यदि मैले घोराही उपमहानगरपालिकाको उपमेयर पदमा जिते भने विशेष गरी बालबालिका, महिलाहरुको हक अधिकार मुद्धाका बारेमा पहल गर्ने छु । घरायसी हत्या, हिंसा , पिछडिएका महिलाहरुका बारेमा काम गर्ने छु ।
७ तपाईका एजेण्डाहरु के के छन् ?
घोेराही उपमहानगरपालिकामा पर्याप्त खानेपानीको सुबिधा छैन । शिक्षामा गरिब, सडक बालबालिकाको पहँच छैन । बिकट बस्तीहरुमा बाटो नभएका कारण यातायातको सुबिधा छैन । रोजगारको अभाबका कारण दिनहुँ युवा वर्गहरु बाहिरीने बाध्यता रहेको छ । यी सबै कुराहरु सम्बोधन गर्ने मेरो एजेण्डा रहने छ । साथै हक अधिकार बिहिन महिलाहरुलाई अधिकार सम्पन्न गराउन तथा विकास निमार्णका काम गर्नको लागि मैले उम्मेदवारी दिएको हुँ । आफु हिजोका दिनहरुमा निति निमार्णको तहमा महिला सहभागिता हुन नसक्दा महिलाहरु पछि पर्नु बाध्यता थियो ।
जहाँ महिलाहरु दबिएर थिचिएर बस्नुपर्ने अबस्था थियो ति कुराहरुको अन्त्य गर्नको लागि तथा महिलाहरुले पनि गर्न सक्छन् भन्ने कुरा प्रस्तुत गर्नको लागि मैले उम्मेदवारी दिएको छु । महिलाहरुलाई हरेक क्षेत्रमा सक्षम र सवल गराउने गराउने प्राथमिकताका सात अधिकार विहिनलाई अधिकार सम्मपन्न गराउने मेरो पहिलो प्राथमिकता हुने छ ।
८ मतदाताको धारणा के छ ?
मतदाताहरु खुशी हुनुहुन्छ । लामो समय पछि स्थानीय तहको चुनाब हुदै छ । यसलाई सफल बनाउने कुरामा होस् या नेकपा एमालेलाई जिताउने सवालमा उत्साहपूर्णरुपमा साथ सहयोग गर्नुभयको छ ।
९ जितेर जानेहरु फर्केर आएनन् । तपाईहरु पनि त्यस्तै हो भन्छन् होला ?
त्यो त भनिहाल्छन् । हामी त्यो कुरालाई चिर्ने प्रयासमा छौं ।
१० स्थानीय तहकै विकासका लागि त व्यक्ति पनि हेर्नु पर्ला नि ?
होइन । व्यक्तिलाई होइन , पार्टी जिताउनु पर्छ भन्ने कुरा हाम्रो मान्यता हो ।
११ अन्तमा आम मतदातालाई सैघाली खबर र्माफत केहि भन्न चाहानुहुन्छ ?
मैले धेरै कुरा भनिसके । अब भन्ने भनेको नेकपा एमाले पार्टीलाई जिताउनु हो ,त्यसका लागि सूर्यमा मतदान गरी अत्याधिक बहुमतले बिजय बनाउन आग्रह गछौं । अर्को विषेश गरी कस्ले कस्ता चुनावी एजेण्डा ल्याएका छन ।त्यसमा विषेश ध्यानमा राखेर मतदान गरेर भोट दिन आग्रह गर्दछु । र एक सय दिनमा एक सय एक काम गरेर देखाउने छ एमालेले भन्ने कुराको बिश्वास दिलाउन पनि चाहान्छु ।
अन्त्यमा , बिशेष गरि सैघालि खबरलाई धन्यावाद दिन चाहन्छु र मलाई घोराही उपमहानगरपालिकाको नेकपा एमाले पार्टी बाट उपमेयर पदमा सूर्य चिन्ह्रमा मतदान गरी अत्याधिक बहुमतले जिताउन हार्दिक अनुरोध गर्दछु ।
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
