सैघाली खबर
काठमाण्डौं,२२ बैशाख
सरकारले जिल्ला जनस्वास्थ्य कार्यालय तथा जिल्ला अस्पताललाई असार मसान्तसम्म अहिलेकै संरचनामा रहेर काम गर्न निर्देशन दिएको छ । स्वास्थ्य सेवा विभागका निमित्त महानिर्देशक डा. गुणराज लोहनीले सबै जनस्वास्थ्य कार्यालय, जिल्ला जनस्वास्थ्य कार्यालय र सरकारी अस्पताललाई पत्राचार गर्दै यस्तो निर्देशन दिनुभएको हो ।
जिल्ला जनस्वास्थ्य कार्यालयलाई खारेज गर्दा उसले प्रदान गर्दै आएको सेवामा प्रभाव पर्ने भन्दै मन्त्रालयले आगामी असार मसान्तसम्मको समय थप गर्ने तयारी अघि बढाएको थियो । स्थानीय तहमा जनशक्तिको अभाव तथा जनप्रतिनिधिलाई कार्यक्रम बारे पर्याप्त जानकारी नभएकोले स्वास्थ्यका कार्यक्रममा असर पुग्ने भन्दै मन्त्रालयले समयावधि थप गरेको हो । यसअघि चैत २८ गतेदेखि सबै जिल्ला जनस्वास्थ्य कार्यालय खारेज गर्ने सरकारको तयारी थियो ।
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
