पक्ष, विपक्षमा बिभाजित नभइ विकास निर्माणमा लाग्नुपर्नेमा प्रचण्डको जोड



सैघाली खबर
काठमाण्डौं,२३ बैशाख

नेकपा माओवादी केन्द्रका अध्यक्ष पुष्पकमल दाहाल प्रचण्डले राजनीतिक दलहरु सत्ता पक्ष र प्रतिपक्षको रुपमा बिभाजित नभइ विकास निर्माणमा लाग्नुपर्ने बताउनुभएको छ ।

नेपाल पत्रकार महासंघ प्रदेश नम्बर ४ को नवनिर्वाचित नेतृत्वको आज आयोजित पदस्थापन कार्यक्रममा अध्यक्ष प्रचण्डले देशको विकासका लागि सबै सत्तापक्ष हुनुपर्ने बताउनुभएको हो । प्रचण्डले विकास, समृद्धि र स्थायीत्वका लागि सत्ता पक्ष र प्रतिपक्ष मिलेर जानुको विकल्प नभएको बताउदै सत्ता पक्ष र राजनीतिक दललाई चेक एण्ड ब्यालेन्समा राखिराख्न पनि प्रेस स्वतन्त्रता आवश्यक रहेकोमा जोड दिनुभयो ।

अध्यक्ष प्रचण्डले युद्ध र शान्ति प्रक्रियामा कहिलेकाहिँ कमजोरी भएपनि पत्रकारितालाई कहिल्यै आग्रह वा पूर्वाग्रहमा राखेर काम नगरेको बताउनुभयो । कार्यक्रममा प्रदेश नम्बर ४ का उद्योग, वन तथा वातावरण मन्त्री विकाश लम्सालले नेपाली जनताले नयाँ अभ्यास गर्ने नाममा फेरी अर्को दुर्घटना निम्त्याउन नचाहेको बताउनुभयो । उहाँले एमाले र माओवादीबीच एकताको विकल्प नभएको बताउँदै अब फुट्ने छुट कसैलाई नभएको बताउनुभयो ।

 

TopLine
थाहा अनलाइन

यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।

प्रतिक्रिया दिनुहोस्