सैघाली खबर/काठमाण्डौँ, १ जेठ।
प्रदेश २ का मुख्यमन्त्री लालबाबु राउतले आफूले बोलेको कुरा नसच्याउने बताएका छन् । भारतीय प्रधानमन्त्री नरेन्द्र मोदीको अभिनन्दन कार्यक्रममा प्रदेश २ का मुख्यमन्त्री राउतले दिएको अभिव्यक्तिबारे विभिन्न किसिमका टिकाटिप्पणी भइरहँदा उनले आफूले बोलेको कुरा नसच्याउने बताएका हुन् ।
मुख्यमन्त्री राउतले आफूले अभिनन्दन कार्यक्रममा लाखौं मधेशी, आदिवासी जनजाति, थारु, मुस्लिम लगायतका शोषित पीडित जनताको भावना राखेको दाबी गरेका छन् । उनले बन्दूकको बलमा जारी गरिएको संविधान विभेदकारी रहेको र त्यसलाई संशोधनका लागि आफूहरुको संघर्ष जारी रहेको समेत बताएका छन् ।
राउतको अभिव्यक्तिबारे संघीय संसदमा समेत कांग्रेस, एमाले र माओवादीका नेताहरुले असन्तुष्टि जनाउँदै त्यसलाई सच्याउनुपर्ने मागसमेत गरेका छन् । राउतले आफूले मधेशको मुद्दालाई अन्तर्रा्ष्ट्रियकरण गर्नका लागि सो अभिनन्दन कार्यक्रम यस्तो कुरा उठाएका बताए । ‘मेरो अभिव्यक्तिले अभिनन्दन कार्यक्रममा उपस्थित लाखौं मधेशी जनताको भावनाको कदर भएको छ,’ उनले भने, ‘मैले कुनै गलत कुरा बोकेको छैन ।।’
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
