सैघाली खबर
काठमाण्डौं,९ जेठ
नेकपा नेतृत्वको सरकारले महत्वकांक्षी योजना सहितका नीति तथा कार्यक्रम सार्वजनिक गरेको भनेपनि आफैंले घोषणा गरेको केही योजनाहरुलाई सरकारले समावेश गर्न सकेन । चुनाव अघि बाम गठबन्धनले घोषणापत्र मार्फत गरेका प्रतिवद्धताहरु नीति तथा कार्यक्रममा समावेश हुन सकेका छैनन् । तत्कालीन एमाले र माओवादीको संयुक्त घोषणापत्रमा सामाजिक सुरक्षा भत्ता मासिक ५ हजार पु¥याइने, ६५ वर्ष उमेर पुगेका जेष्ठ नागरिकलाई सबै किसिमका यातायात भाडामा २५ र ८० वर्ष पुगेकालाई ५० प्रतिशत छुटको व्यवस्था गरिने उल्लेख थियो । तर यी तीनवटै विषय नीति तथा कार्यक्रममा समावेश छैनन् ।
नीति तथा कार्यक्रम ल्याउँदा आफूहरुसँग सल्लाह गरेको भए राम्रो हुने तत्कालीन बाम दलको घोषणापत्र मस्यौदा समितिका सदस्य नेता देव गुरुङ बताउनुहुन्छ । एकवर्ष भित्र सबै नागरिकलाई विद्युतीय राष्ट्रिय परिचयपत्र र गरिबीको रेखामुनि रहेका नागरिकलाई थप विशेष परिचयपत्र दिने घोषणापत्रमा लेखिएको छ । तर नीति तथा कार्यक्रममा यो विषय कतै भेटिदैन ।
दुई वर्ष भित्रैमा नेपाललाई आधारभूत खाद्यान्न तथा माछामासु, अण्डा र दूधमा आत्मनिर्भर बनाइने विषय पनि छुटेको छ । कतिपय योजना ५ बर्षे तथा दीर्घकालिन योजना भएकाले पनि यसपटक नपरेको हुनसक्ने भनाइ छ, नेता गुरुङको । पर्यटन प्रवद्र्धनको विषय नीति तथा कार्यक्रममा आए पनि घोषणापत्रमा उल्लेख भएअनुसार पर्यटनसम्बन्धि उच्च अध्ययन र आवश्यक जनशक्ति तयार गर्न पर्यटन विश्वविद्यालय सञ्चालन गर्ने विषय समावेश छैन ।
१५ बर्ष मुनिका बालबालिका र ६५ बर्षमाथिका जेष्ठ नागरिकलाई निशुल्क स्वास्थ्य सेवा उपलव्ध गराइने विषय पनि नीति तथा कार्यक्रममा परेको छैन । स्थानीय तहमा अस्पताल र चिकित्सक पु¥याउने विषय नीति तथा कार्यक्रममा आए पनि प्रत्येक प्रदेश सदरमुकाममा सुविधासम्पन्न एक हजार शंैयाको अस्पताल स्थापना गरिने विषय नीति तथा कार्यक्रममा परेन ।
सारमा घोषणापत्र अनुसारै नीति तथा कार्यक्रम ल्याउन खोजिएको भए पनि कार्यान्वयन कसरी गर्ने भन्ने पाटो छुटेको टिप्पणी गर्नुहुन्छ, राजनीतिक विश्लेषक विष्णु सापकोटा । घोषणापत्रमा तराईका डुवान युक्त क्षेत्रमा ४ लेनको आकाशे मार्ग निर्माण गरिने उल्लेख छ । तर नीति तथा कार्यक्रममा यो विषय उल्लेख छैन । घर–घरमा बिजुलीः जन–जनमा शेयर नीति लागू गर्दै आकर्षक जलविद्युत परियोजनामा जनता र सरकारको संयुक्त लगानी प्रबद्र्धन गरिने विषय पनि सरकारको नीति तथा कार्यक्रममा छैन ।
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।