नयाँ बजेट : कृषि व्यवसायका लागि ७५ प्रतिशत अनुदान, प्रमाणपत्र धितो राखेर ऋण पाइने



सैघाली खबर
काठमाडौं,१६ जेठ

संघीय संसदमा बजेट पेश गर्दै अर्थमन्त्री डा.युवराज खतिओडाले धेरैजसो पुरानै विषय दोहा¥याउनुभएको छ । प्रदेश तथा स्थानीय तह कार्यान्वयनमा आएकाले केही बजेट त्यहाँ पनि छुट्टाइएको छ । जेष्ठ नागरिक भत्ता पाँच हजार पु¥याउने नेकपाको घोषणापत्र अनुसार नबढे पनि ७० वर्ष माथिका नागरिकको लागि एक लाखसम्मको स्वास्थ्य बिमा गराइने भएको छ । बुवा आमालाई अब छोरा, छोरीले नै अनिवार्य हेरचाह गर्ने कानुन बनाईने छ ।

अघिल्लो पटक प्रधानमन्त्री हुँदा नै प्रधानमन्त्री केपी शर्मा ओलीले ल्याउनुभएको शैक्षिक प्रमाणपत्र धितो राखेर ऋण लिन पाउने व्यवस्थाका लागि बजेट दिइएको छ । प्रमाणपत्र देखाएर ७ लाखसम्म ऋण पाइनेछ । सबै प्रदेशमा स्वास्थ्य विज्ञान प्रतिष्ठान बनाउने तथा सवारी साधनमा धुम्रपान र मदिरा निषेधको घोषणा गरिएको छ ।

सबै सामुदायिक विद्यालयमा ईन्टरनेट तथा पिछडिएका क्षेत्रका प्राथामिक तहका विद्यार्थीका लागि स्थानीय तहमा नै उत्पादित निशुल्क पौष्टिक खाजा उपलब्ध गराईने छ । सुत्केरी आमाहरुको लागि दोब्बर भत्ताको व्यवस्था बजेटमा छ । प्रत्येक स्थानीय तहमा खेल मैदान, पार्क अनि प्रदेशस्तरीय खेल मैदान बनाउने, दलित तथा लोपोन्मुख बालवालिकाका लागि उच्च शिक्षा निशुल्क गरिने बजेट मार्फत सरकारले घोषणा गरेको छ ।

सुत्केरी आमा तथा वालवालिकाहरुको लागि अब एयर एम्बलुलेन्स सञ्चालन गरिनेछ । सातै प्रदेशमा नमूना कृषि फार्म बनाईने, कृषि व्यवसाय तथा माछा पालनको लागि ७५ प्रतिशत अनुदान दिईने, साना किसानहरुले लिएको ऋण मिनाहा गर्ने घोषणा गरिएको छ । देशभर एकसय वटा नयाँ पर्यटकिय स्थल खोजीने, दाङमा बैकल्पिक विमानस्थलको निर्माण गर्ने तथा सबै स्थानीय तहमा हेलिप्याड पु¥याइने लक्ष्य सरकारको छ ।

६ वटा सुरुङमार्ग निर्माण गर्ने घोषणा गर्दै सरकारले घर जग्गा खरिद बिक्री गर्न इजाजत लिनुपर्ने व्यवस्था गर्ने वाचा गरेको छ । अर्थविद् चन्द्रमणि अधिकारी खासै नयाँ विषय नभए पनि केही नयाँ विषय ल्याउने प्रयास भएको टिप्पणी गर्नुहुन्छ । बजेट अनुसार राष्ट्रिय सरसफाई बर्षको रुपमा मनाईने छ भने यो बर्षदेखि २०८५ सम्मलाई उर्जा दशक घोषणा गरिएको छ । ग्रामिक विद्युतिकरणलाई प्राथामिकता दिईने छ । प्रत्येक प्रदेशलाई अन्तराष्ट्रिय व्यापारसंग जोड्ने गरि योजना बनाईने छ ।

TopLine
थाहा अनलाइन

यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।

प्रतिक्रिया दिनुहोस्