नेकपा एमाले माओवादी केन्द्रबीच एकता भएर बनेको नेपाल कम्युनिस्ट पार्टी (नेकपा) र उपेन्द्र यादव नेतृत्वको संघीय समाजवादी फोरम बीच पार्टी एकताका लागि छलफल सुरु भएको समाचार प्रकाशमा आएको छ ।
(नेकपा) नेतृत्वको सरकारमा फोरम नेपाल सहभागी भएसँगै एकताका लागि अनौपचारिक छलफल भएको हो ।
(नेकपा) अध्यक्ष एवं प्रधानमन्त्री केपी शर्माओली, अर्का अध्यक्ष पुष्पकमल दाहाल र फोरम अध्यक्ष उपेन्द्र यादवबीच पार्टी एकताका लागि अनौपचारिक छलफल भएको हो ।
शीर्ष नेताहरुबीच अनौपचारिक छलफल भए पनि औपचारिक बैठकमै एजेन्डाका रुपमा नआएको स्रोतको दावी छ ।
नेकपा स्थायी कमिटीका सदस्य देवेन्द्र पौडेलले समेत फोरम सरकारमा सहभागी भएसँगै पार्टी एकताको विषयमा अनौपचारिक छलफल भएको बताए । यो खबर आजको राजधानीमा छ ।
फोरम अध्यक्ष यादव मधेस आन्दोलनबाट नेपाली राजनीतिमा चर्चामा आएका नेता हुन । माओवादी जनयुद्धमा सहभागी भएका यादव ६१ साल सम्म क्षेत्रिय व्यूरो सदस्य मात्र थिए ।
शान्ति प्रकृया शुरु भएसँगै अर्को पार्टी बनाइ मधेसमा हिंसा मच्चाएर राजनीतिामा आएका उनलाई भारतले उचालेको आरोप त्यतिबेला लागेको थियो ।
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।