काठमाडौँ, १० असार । विश्वकप फुटबलमा जर्मनीले स्वीडेनमाथि रोमाञ्चक जित हासिल गरेको छ ।
नेपाली समय अनुसार शनिबार राति २ बजे सकिएको खेलमा जर्मनीले खेलको अतिरिक्त समयमा गोल गर्दै स्वीडेनलाई २-१ ले पराजित गरेको हो। समूह चरणबाटै बाहिरिने खतरामा रहेको जर्मनी यो जीतबाट नकआउट चरणमा पुग्ने सम्भावनालाई जीवितै राखेको छ ।
खेल सकिन एक मिनेट बाँकी रहँदा जर्मनीले उत्कृष्ट गोल हानेको थियो । जर्मनीका करोसले गरेको गोल निर्णायक बन्यो ।
खेलको ३२ औं मिनेटमा स्वीडेनका ओला टोइभोनेनले पहिलो खाता खोलेका थिए । पहिलो हाफसम्म जर्मनी १ गोलले पछि परेको थियो ।
जर्मनीका लागि मार्को रेउसले खेलको ४८ औं मिनेटमा पहिलो गोल गरेका थिए ।
अब जर्मनीले दक्षिण कोरियासँग खेल्नेछ। दक्षिण कोरियालाई हराए जर्मनी दोश्रो चरणमा पुग्ने सम्भावना बलियो हुनेछ
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
