दाङ, असार २७
जेठ २६ गते राति अपहरणमा परी हत्या गरीएका तुलसीपुरका व्यापारी राजकुमार श्रेष्ठको हत्यामा संलग्न भएका भनिएका मुख्य योजनाकारहरुलाई प्रहरीले पक्राउ गरि सार्वजनिक गरेको छ ।
उनिहरुलाई नेपाल भारत सिमा क्षेत्रबाट पक्राउ गर्न प्रहरी गर्न सफल भएको हो ।
मुख्य योजनाकार भनिएका टीकाराम घर्ती मगर, उनकी छोरी पूजा घर्ती मगर, र मानबहादुर भण्डारी लाई नेपाल भारत सिमा क्षेत्रबाट पक्राउ गरिएको प्रहरीले वताएको छ । पक्राउ परेका उनिहरुलाई आज तुलसीपुरमा पत्रकार सम्मेलन गरी सार्वजनिक गरिएको हो ।
अपहरण पश्चात हत्या गरिएका तुलसीपुरका व्यापारी राजकुमार श्रेष्ठको हत्यमा संलग्न थप ४ जनालाई अंचल प्रहरी गुल्म तुलसीपुरमा पत्रकार सम्मेलनको आयोजना गरि प्रहरीले सार्वजनिक गरेको हो ।
पत्रकार सम्मेलनमा श्रेष्ठको अपहरण तथा हत्यामा संलग्न हाल हेकुली–६ बालापुर वस्ने ३७ वर्षिय मान बहादुर भण्डारी, तुलसीपुर–६ वस्ने वर्ष ३९ को टीकाराम घर्ती र घर्तिकी छोरी १८ वर्षिय पूजा घर्तिलाई नेपाल भारत सिमा बाँकेको हिरमनिया बाट पक्राउ गरेको प्रहरीले जनाएको छ ।
त्यसैगरि प्रहरीले घटनामा संलग्न मुख्य योजनाकार तुलसीपुर–८ वस्ने २८ वर्षिय भुपेन्द्र भण्डारीलाई तुलसीपुरबाट पक्राउ गरी आजै सार्वजनिक गरेको हो । त्यसैगरि प्रहरीले तुलसीपुर–११ कटाहा वस्ने ३० वर्षिय खुम बहादुर केसी र तुलसीपुर ९ वेलुवा वस्ने ४१ वर्षिय नारायण वलीलाई काठमाण्डौबाट पक्राउ गरि आवश्यक अनुसंन्धानका लागी दाङ ल्याउन लागेको जनाएको छ ।
पत्रकार सम्मेलनमा बोल्दै राप्ति अंचल प्रहरी प्रमुख ज्ञान विक्रम शाहले अपहरण तथा हत्या पैसा अशुल्नकै लागि भएको खुल्न आएको बताउनु भयो ।
यसैबिच श्रेष्ठ संग अपहरणमा परेका घोराहीका रणबहादुर घर्तिको समेत हत्या भएको अभियुक्तहरुले प्रहरिलाई बयान दिएका छन । पत्रकार सम्मेलनमा बोल्दै अंचल प्रहरी प्रमुख ज्ञान विक्रम शाहले पक्राउ परेका अभियुक्तहरुले श्रेष्ठ भन्दा करिव डेढ घण्टा अगाडि रणबहादुर घर्तिको हत्या गरेर सोही स्थानमा फालेको बयान दिएको बताउनुभयो । अभियुक्तहरुले घर्तिको पनी हत्या गरेको बयान दिएकोले घर्तिको शव खोजीको लागि प्रहरी घटनास्थल पुग्ने तयारी गरिरहेको प्रहरीले बताएको छ ।
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
