अुसार, २८
भूकम्पपछिको पुनःनिर्माणका विषयमा छलफल गर्न राष्ट्रिय पुनःनिर्माण प्राधिकरण निर्देशक समितिको बैठक आज बस्दैछ । लामो समयपछि बस्न लागको बैठकमा भूकम्प प्रभावितहरुलाई दिने राहत, बस्ती पुनःनिर्माण र स्थानित तहको जिम्मेवारीका विषयमा छलफल हुनेछ । पुनःनिर्माण प्राधिकरणले तयार गरेको नयाँ कार्य योजना र कार्य प्रगतिको अवस्थालगायत विषयमा बैठकमा छलफल हुनेछ । कांग्रेस सभापति शेरबहादुर देउवा प्रधानमन्त्री भएपछि पहिलो पटक प्राधिकरण निर्देशक समितिको बैठक बस्न लागेको हो । प्राधिकरण निर्देशक समितिको अध्यक्ष प्रधानमन्त्री रहने कानुनी प्रावधान छ । बैठकका प्राधिकरणका प्रमुख कार्यकारी अध्यक्ष गोविन्दप्रसाद पोखरेलले प्राधिकरणले अहिलेसम्म गरेका कामको बिबरण र कार्ययोजनाका विषयमा कुराकानी गर्नुहुनेछ । बैठकमा प्रमुख प्रतिपक्ष दल नेकपा एमालेसहितका दलहरुको पनि सहभागिता रहनेछ ।
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
