काठमाडौं – सर्वोच्च अदालतको प्रधानन्यायाधीशमा प्रस्तावित दीपकराज जोशीका बारेमा निर्णय गर्न आज संसदीय सुनुवाइ विशेष समितिको बैठक बस्दैछ।
बैठक बिहान १० बजेका लागि बोलाइएको छ। पटक–पटक संददीय सुनुवाइ विशेष समितिको बैठक बसेपनि जोशी बारेमा अझै निर्णय हुन सकेको छैन।
जोशीको शैक्षिक प्रमाणपत्रमा विवाद भएपछि उनलाई प्रधानन्यायाधीशमा अनुमोदन गर्ने कि नगर्ने भन्ने निर्णय समितिले लिन सकेको छैन्।
जोशीको संसदीय सुनुवाइबारे समयमा निर्णय हुन नसक्दा सर्वोच्च अदालतको न्यायसम्पादन कार्य समेत प्रभावित भएको छ।
थाहा अनलाइन
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
