काठमाण्डौ असार २९, । २००७ सालदेखि नै कांग्रेसमा सक्रिय जोशीको ९२ वर्षको उमेरमा बिहीबार साँझ ग्रान्डी अस्पतालमाउपचारकोक्रममा निधन भएको हो । उहाको भतिज विष्णुले नेता जोशीको साँझ साढे ७ बजे निधन भएको पुष्टि गर्नुभयो ।स्वासप्रस्वासको समस्या देखिएपछि असार ७ गते अल्का अस्पताल भर्ना गरिएका जोशीलाई २१ गते ग्रान्डी रिफर गरिएको थियो । उहामा उच्च रक्तचापको समस्या पनि थपिएको थियो ।
ग्रान्डी अस्पतालका निर्देशक डा.चक्रराज पाण्डेले भन्नुभयो रामहरी जोशीलाई निमोनिया भएको थियो, त्यसले मृगौला र फोक्सोमा असर पुगेको थियो । निमोनियाका कारण संक्रमण बढेपछि भेन्टिेलरमा राखेर उपचार सुरु गर्यौं ।उमेरका कारण ब्लड प्रेसर मेन्टेन हुन सकेन । दुई वर्षअघि लडेर उहाँको हिप बोन फ्याक्चर भएको थियो, त्यसले निमोनियाको संक्रमण शरीरभरी भएको थियो । डायलसिस गरेर हर सम्भव प्रयास गरे पनि बचाउन सकिएन ।जोशी गान्धीवादी नेताकोरुपमा परिचित हुनु हुन्छ ।सर्लाही क्षेत्र नम्बर ३ बाट २०४८ र २०५१ सालको निर्वाचनमा निर्वाचित जोशी शिक्षा र पर्यटन मन्त्री हुनु भएको थियो ।राजनीतिमा आउनुअघि सर्लाहीमा एक विद्यालयको प्रधानाध्यापक रहेका जोशीले जिल्लाको शैक्षिक उन्नयनमा योगदान पु¥र्याउनु भएको थियो ।
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
