असार ३०, २०७४ काठमाडौं
१६ वर्षपछि आर्थिक वर्ष नलाग्दै ९असारमै बजेट पास भएको छ। व्यवस्थापिका संसद्को बिहीबारको बैठकले बहुमतमा दुई आश्रित विधेयक पास गरेपछि पूर्णरूपमा बजेट पास भएको हो। उक्त बैठकले आर्थिक विधेयक र राष्ट्र ऋण उठाउने विधेयक पनि पास गरेको हो। तीन दिनअघि बजेटसम्बन्धी विनियोजन विधेयक पास भइसकेको थियो। गत वर्ष विनियोजन विधेयक असारमै पास भएको थियो। तर कांग्रेस र माओवादीनेतृत्व सरकार ढाल्नका लागि बजेटका आक्षित विधेयक व्यवस्थापिका संसदबाट पारित हुन दिइएको थिएन। सरकार परिवर्तन भए सगैं अर्काे आर्थिक वर्ष लागेपछि माओवादी नेतृत्वमा बनेको कांग्रेससहितको सरकारले आर्थिक विधेयक संसद्मा लगेर पास गराएको छ । कर असुली ऐन २०१२ को व्यवस्थाअनुसार राजपत्रमा सूचना प्रकाशित गरी राजस्व उठाइएको थियो। उक्त आधारमा विनियोजन विधेयक गत वर्ष असारमै पास भएका थिएनन् ।
तथ्यांकअनुसार १६ वर्षअघि तत्कालीन अर्थमन्त्री महेश आचार्यका पालामा ०५७/ ५८ मै बजेट पारित भएको थियो। सरकारले जेठ १५ मा सदनमा प्रस्तुत गरेको बजेटको सबै विधेयक पास भएपछि साउन १ बाटै खर्च गर्ने, राजस्व र ऋण उठाउने बाटो खुलेको छ। असार मासान्तभित्रै विनियोजन विधेयक पारित भएकाले यसपटक पेस्की खर्च विधेयक भने आवश्यक नपर्ने भएको छ । अब संघ, प्रदेश र स्थानीय तहले साउन १ देखि नै बजेट खर्च गर्न पाउने भएका छन ।विनियोजन विधेयकले खर्च गर्न, आर्थिक विधेयकले राजस्व उठाउन र राष्ट्र ऋणले आन्तरिक ऋणउठाउने बाटो खुलेको छ ।
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
