रोम थापा मगर
दाङ साउन २५ । बंगालाचुली गाउँपालिका वडा नं ३ सानोबचेनी मा भिरबाट लडेर एक महिलाको मृत्यु भएको छ । हिजो बिहान खाना खाएर घाँस काट्न गएकी करिव २२ वर्षिया मनि वि।कको स्थानीय डुणालोटे भिरबाट लडेर मृत्यु भएको स्थानीय प्रेम परिवर्तनले बताउनुभएको छ । उहाँका अनुसार घरमा दुई छोरा, बुवाआमा र देवर रहेको र श्रीमान भारतमा कामको सिलसिलामा गएको उहाँले बताउनुभयो । बिहान ९ बजेतिर घाँस काट्न निस्केकी विक भिरमा घाँस काटेर फर्किने क्रममा चिप्लिएर लडेको र उपचार गराउन अस्पताल लैजाने क्रममा बाटोमै मृत्यु भएको स्थानीय प्रेम परिवर्तनले बताउनु भयो ।
थाहा अनलाइन
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
