सैघाली खबर, काठमाण्डौँ ।
निर्देशक विकासराज आचार्यले ‘नाई नभन्नु ल ५’ हिट भएपछि यसैको छैठौ सिक्वेल बनाउने चर्चा थियो । तर, उनले ‘नाई नभन्नु ल ६’ बनाउनु अघि एउटा लभ स्टोरी चलचित्र बनाउने भएका छन् ।
उनले बनाउन लागेको नयाँ चलचित्रको नाम ‘हजार जुनी सम्म’ राखिएको छ । यो लभ स्टोरी चलचित्रका लागि विकासले नयाँ नायकको खोजी गरेको बताएका छन् ।
उनले भने–‘आकर्षक जीउडाल, लुक्स र अभिनय गर्न सक्ने नयाँ नायकको खोजी गरेको हुँ । हामी चाडै नै छायांकनमा जाने तयारीमा छौ ।’वुझिएनअनुसार, विकासको यो चलचित्रमा नायिकको रुपमा स्वस्तिमा खड्काले काम गर्ने संभावना बढी छ ।
तर, अहिलेसम्म कोहीपनि कलाकार फाइनल भएका छैनन् । विकासले ‘हजार जुनी सम्म’ पछि ‘नाई नभन्नु ल ६’ निर्माण तथा निर्देशन गर्नेछन् ।
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
