दाङमा एक बर्षमा ५२७ जोडीले सम्वन्ध विच्छेद गरे, १०९ मुद्धा विचाराधिन अवस्थामा

यमकला भुसाल
तुलसीपुर ,११ साउन।
दाङमा जिल्ला अदालतको तथ्याङंक अनुसार यो बर्ष जिल्लामा ५२७ जना जोडीले सम्वन्ध विच्छेद गरेका छन् । आपसी बेमेलको कारण सम्वन्ध विच्छेदको मुद्धा दर्ता गराउन आएको जिल्ला अदालतका श्रेष्ठेदार गम्भिर राणामगरले जानकारी दिनुभएको छ ।

जिल्लामा दर्ता भएको ५२७ मुद्धा मध्ये ४१८ ओटा मुद्धा मिलान भएको र १०९ मुद्धा विचाराधिन अवस्थामा रहेको उहाँले बताउनुभयो ।
यो मसान्त सम्ममा ४१८ ओटा मुद्धाको फैसला भएकोे छ ।

सम्बन्ध विच्छेद गर्नेहरुमा अधिकांस २५ वर्ष भन्दा मुनिका जोडी रहेको राणामगरले जानकारी दिनुभयो । उहाँका अनुसार बच्चा आमाले राख्ने गरी अंश सहित छुट्टिनेको संङ्ख्या धेरै रहेको बताइएको छ ।
स्थानीय तहको चुनावको कारण मुद्धा हेर्न नपाएकोले ४१८ मुद्धा मात्रै फैसला गर्न भ्याइएको र १०९ मुद्धा फौसला गर्न बाकी रहेको राणामगरले बताउनुभएको छ ।

अघिल्लो बर्षको तुलनामा यो वर्ष भने १८८ जनाको सङयाले बढेको उहाँले बताउनुभयो । अघिल्लो वर्षमा ३३९ मुद्धा मध्ये ८४ ओटा मुद्धा मात्रै फैसला गर्न बाकी रहेको थियो । श्रेष्ठेदार राणामगरका अनुसार गाउँमा मेलमेलाप केन्द्र स्थापना भएपछि पारिवारीक समस्या छरछिमेकिको मुद्धाहरु सके सम्म स्थानियले गाउँघरमै मिलाउने गरेको बताइएको छ ।

थाहा अनलाइन

यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।