राति सुतेका प्रहरी बिहान कार्यालयनजिकै मृत भेटिए

सैघाली खबर धादिङ १३ साउन , । उत्तरी धादिङको इलाका प्रहरी कार्यालय, दार्खामा कार्यरत सहायक प्रहरी निरीक्षक वीरबहादुर गुरुङको शव आज बिहान ६ बजे इलाका प्रहरी कार्यालयनजिकै मकैबारीमा फेला परेको छ ।

बिहीबार राति ११ बजे सुतेका गुरुङको लास आज बिहान मकैबारीमा फेला परेको जानकारी प्राप्त हुनआई अनुसन्धानका लागि प्रहरी टोली घटनास्थलमा जान लागेकाले अरू कुरा अनुसन्धानपछि मात्र थाहा हुने प्रहरी नायब उपरीक्षक दीपेन्द्र पँजियारले बताउनुभयो ।

धादिङबेसीबाट घटनास्थलको दूरी ३५ किमी रहेको र कच्ची बाटो भएकाले वर्षाका कारण अहिले सिधै गाडी चल्न नसकी सल्यानटारको बाटोबाट रिम्नेसम्म फोरह्विल भएको सानो गाडीमा गई त्यहाँबाट तीनघण्टा पैदल हिँड्नु पर्ने हुन्छ । उनी बिहीबार साथीहरुसँग राती नौबजेसम्म प्रहरी चौकीमै रहेका थिए ।

नजिकै कुखुराको फार्म रहेको र त्यस नजिकै उनको लास भेटिएपछि प्रहरीले जिल्ला प्रहरी कार्यालयलाई जानकारी गराएको हो । गुरुङ ०७३ चैतदेखि दार्खा प्रहरी चौकीमा कार्यरत थिए