सैघाली खबर
सर्लाही साउन ,१५
नेपाली कांगे्रसले तेस्रो चरणको निर्वाचनमा पार्टीलाई पहिलो बनाउने गरि प्रचार प्रसारलाई तीव्र पार्ने निर्णय गरेको छ । जनकपुरमा भएको २ नम्वर प्रदेश स्तरीय भेलाले असोज २ मा हुन लागेको तेस्रो चरणको चुनावका लागि गाउँ स्तरसम्मै व्यापक प्रचारप्रसार गर्ने निर्णय गरेको नेताहरुले बताएका छन् । तेस्रो चरणको निर्वाचनमा अत्याधिक मतका साथ पार्टीलाई पहिलो बनाउन प्रत्येक स्थानीय तहमा प्रचार प्रसार समिति गठन गरेर पार्टीको घोषणा पत्र, उम्मेद्वारको प्रतिवद्धता र एजेण्डाका बारेमा प्रचार प्रसार गर्ने निर्णय भएको भेलामा सहभागी नेपाली कांगे्रस सर्लाहीका जिल्ला सभापति नागेन्द्र रायले जानकारी दिनुभयो । चुनावको प्रचार प्रसार गर्न जिल्ला तहमा संयोजक र उप संयोजक तोकिएको कांगे्रसले जनाएको छ । प्रदेश नम्बर २ को स्थानीय चुनावका लागि रणनीति बनाउन कांगे्रसले हिजै प्रदेश नम्वर २ का आठ वटै जिल्लाका जिल्ला सभापतिहरुसँग छलफल समेत गरेको छ ।
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
