‘नाच फिरिरी’ टिमको ३ करोड भ्युज सेलिब्रेशन



पछिल्लो समयमा निकै मन पराइएको गीत ‘नाच फिरिरी’ले युट्यूबमा ३ करोड भ्युज पार गरिसकेको छ । युट्यूबमा ३ करोड भ्युज पार गरेको खुशीयाली सँगसँगै गीतलाई यो स्थानसम्म पुर्याउन मद्दत गरेकोमा मिडियालाई धन्यबाद दिदै ‘नाच फिरिरी ‘ टिमले एक कार्यक्रमको आयोजना गरी सेलिब्रेशन गरेको थियो । गायक महेश काफ्ले, नायिका स्वस्तिमा खड्का, निर्माता अशिफ शाह, असिम शाह, आकाश खड्का लगायतले केक काटेर खुशीयाली साटेका थिए ।
गीतले आज यति धेरै दर्शक, श्रोताको माया पाएकोमा आफु र आफ्नो टिम निकै खुशी रहेको गायक महेश काफ्लेले उक्त कार्यक्रममा बताए । यस्तै कार्यक्रममा बोल्दै नायिका स्वस्तिमा खड्काले यो माया ‘नाच फिरिरी’ टिमले गरेको मेहेनतको प्रतिफल रहेको बताइन् । ‘नाच फिरिरी’मा शब्द तथा सङ्गीत गायक काफ्ले स्वयंमको रहेको छ ।
गतिको सङ्गीत संयोजन भने रिकेश गुरुङले गरेका हुन् । गीतमा महेशलाई गायिका मेलिना राईले साथ दिएकी छिन् । भिडियोमा निश्चल र स्वस्तिमाका अलावा पोखराको चर्चित नृत्य समूह क्रिस्टल क्लज डान्स क्रु र कलाकार प्रकाश घिमिरेले साथ दिएका छन् । भिडियोमा शिवराम श्रेष्ठ र सुरज श्रेष्ठको छायाङ्कन रहेको छ भने भिडियोको सम्पादन लोकेश बज्राचार्यले गरेका हुन् ।

TopLine
थाहा अनलाइन

यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।

प्रतिक्रिया दिनुहोस्