सैघाली खबर ,साउन १७
भारतमा रेल मार्गबाट बार्षिक हजारौं बालबालिका हराउने गरेको तथ्य सार्वजनिक भएको छ । संरक्षक नामक संस्थाले सार्वजनिक गरेको प्रतिवेदनमा यस विषयलाई निकै संबेदनशिल विषयका रुपमा लिनु पर्ने उल्लेख गरिएको छ । पूर्वी भारतको कलकत्तामा पर्ने सेल्डाह रेल मार्गबाट बालबालिकाहरु अपहरित हुने क्रम बढेको पाइएको हो । भारतको सबैभन्दा बढी व्यस्त मध्येको एक र देशव्यापी फैलिएको रेल मार्गबाट सन् २०११ मा १५ हजार दुई सय ८४ जना बालबालिका हराएका बताइएको छ । सन् २०१५ मा रेल, रेलमार्ग र रेलस्टेशन वरपरबाट ४१ हजार आठ सय ९३ जना बालबालिका हराएको प्रतिवेदनमा उल्लेख छ । गरिबीका र पारिवारिक हिंसाका कारण सेल्दाह रेल स्टेशन वरपर पुग्ने गरेका र केही समय त्यहाँ बसेपछि उनीहरू त्यहाँबाट हराउने गरेको प्रतिवेदनमा दावी गरिएको छ, अन्तर्राष्ट्रिय सञ्चारमाध्यमहरुले खबर लेखेका छन् ।
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
