फास्ट फुड खान मन पराउनेहरुका लागि चिकेन चाउमिन स्वादिष्ट परिकार हो । तर, अत्यधिक र अस्वस्थ तेल तथा अन्य सामग्रीको प्रयोगले जस्तोसुकै ठाउँमा पनि खाँदा यसले बिमार निम्त्याउन सक्छ। त्यसैले यसलाई स्वस्थ र सफा तरिकाले घरमा नै बनाउन सकिन्छ।
आवश्यक सामग्री:
-चिकेन चाउमिन नुडल्स -गोलभेडा -बोइल गरेर काटेको चिकेन -लामो गरि काटेको सिमी -तेल -बन्दा -प्याज -गाजर -धुलो खुर्सानी -हरियो खुर्सानी -नुन र सोया सस आवश्यकता अनुसार अन्य हरियो शब्जीहरु मिसाउन सकिन्छ ।
पकाउने प्रकृया :
– भाँचिएको चाउमिन नुडल्सलाई तातो पानिमा उमालुपर्छ । तर उक्त नुडल्सलाई धेरै पकाउनु हुदैन । – उमालेको काँचो पानी फालेर चिसो पानी हाल्ने – नुडल्स नटाँसियोस् भनेर हल्का तेल राखी मोल्ने – फ्राइङ प्यानमा तेल तताउने – काटिएको चिकेन फ्राइ गर्ने – उमालेको चाउमिन फ्राइ गर्ने – प्याज, सिमी, गाजर, बन्दा क्रमश राखी फ्राई गर्ने – हरियो खुर्सानी, रातो खुसार्नी, नुन, गोलभेडा, सोया सस राखि बिस्तारै चलाउने ।
यसरी चिकेन चाउमीन घरमानै तयार गर्न सकिन्छ ।