पुष १२ गते विहिबारको राशिफल

विक्रमसम्वत २०७५ साल पुष १२ गते विहिबार नेपाल सम्बत ११३९ थिंल्लागा तदनुसार सन् २०१८ डिसेम्बर २७ तारिक कृष्णपक्ष पञ्चमी तिथि अपरान्ह १ वजेर ९ मिनेटसम्म उप्रान्त षष्ठी तिथि,मघा नक्षत्र अपरान्ह ५ वजेरसम्म उप्रान्त पूर्वफाल्गुनी नक्षत्र,प्रीतियोग,तैतिलकरण, आनन्दादियोग मुसल,सूर्य धनु राशीमा,चन्द्रमा सिंह राशीमा । दक्षिण दिशामा काल र उत्तर पाश रहनेछ । योगिनी दक्षिण र चन्द्रमा पूर्व दिशामा रहनेछ । कुनै पनि शुभ कार्यमा यी कुराको विचार गर्नु राम्रो हुन्छ । काल,पाश र योगिनी सम्मुख पार्नु राम्रो मानिन्न ।

मेषः–भ्रम मुक्त हुन आवस्यक देखिन्छ । योजना बनाएर काम गर्नु होला थोरै सफलता मिल्नेछ । काम गर्दा बाहिरी प्रभाव बढि पर्न सक्छ सचेत रहनु होला । अरुको भरमा काम नगर्नु होला धोका हुनसक्छ । व्यापार व्यवसायबाट थोरै आम्दानी हुनेछ । नोकरी र राजनीतिमा अप्ठ्यारो पर्न सक्छ । पठन पाठनमा सामान्य प्रगति हुनेछ । तनाव घट्नेछ ।

वृषः– काम गर्ने जोश जागर घट्नेछ । चिन्ता बढ्नेछ । कुरा धेरै,सोचाई बढि काम कम हुनेछन् । गरेका काममा आलोचना मुक्त देखिन्न । घरयासी समस्याले सताउनेछ । व्यापार व्यवसायमा मन्दि आउनेछ । गाँठो बलियो गर्नुहोला धन माल हराउन सक्छ । पढाई लेखाईमा सन्तोषजनक प्रगति हुनेछैन । सवैलाई विश्वास गर्नु गलत हुनेछ ।

मिथुनः– काममा देखिएका समस्या कम हुनेछन् । बाधा अवरोध हट्ने छन् । कुरामा भन्दा काममा जोड दिनुहोला । काममा स्थायीत्व दिनु पर्ने देखिन्छ । कार्य क्षमता,दक्षता बढ्नेछ । उद्योग धन्दा बन्द व्यापारबाट आय आर्जन बढ्नेछ । आशाका अङ्कुर पलाउने छन् । आर्थिक कारोवारमा भने चनाखो रहनु होला । सहयोग गर्नेको भने कमै हुनेछन् ।

कर्कटः– सहयोगको आशामा काम नगर्नु होला । अस्थिरताले आफुलाई कमजोर बनाउनेछ । आर्थिक क्षेत्रमा सामान्य सुधार आउनेछ । व्यापार व्यवसायमा लगानी नबढाउनु होला । गरेका कामबाट सामान्य आम्दानी हुनेछ । अन्योललाई चिरेर अगाडि बढ्नु पर्ने देखिन्छ । लगनशिल भई गरेका काम सफल हुनेछन् । शत्रु कमजोर हुनेछन् ।

सिंहः– समस्या कम भएर जानेछन् । शारीरिक एवं मानसिक स्फूर्ति बढ्नेछ । साना तिना चुनौतिसँग नडराई काम गर्नु होला गन्तव्यमा पुग्न सकिनेछ । लगानी अनुसारको व्यापार व्यवसायबाट आम्दानीम हुनेछ । बाहिरी सम्बन्धमा सुधार आउनेछ । भोज भतेर सभा सम्मेलनमा सहभागि हुने अवसर मिल्नेछ । पढाई लेखाईमा प्रगति हुनेछ ।

कन्याः– दिन प्रतिकुल देखिन्छ । काम गरेर अरुलाई कमाई दिने मात्र हुनेछ । अनावस्यक विषय बस्तुमा विवाद पर्न सक्छ सचेत रहनुहोला । व्यापार व्यवसायमा गिरावट आउनेछ । आवेगमा आएर कुनै निणर्य नगर्नु होला क्षति धेरै हुनसक्छ । व्यर्थको घुमाई फिराई बढि हुनेछ । मिथ्या अरोप लाग्न सक्छ । दुर्जनहरु भेटिने छन् ।

तुलाः– विगतका समस्या समाधान गर्न सक्षम हुनुहुनेछ । आय आर्जनका दृष्टिले दिन उपलब्धिपूर्ण रहला । सामाजिक प्रतिष्ठा बढ्नेछ । नोकरी तथा राजनीतिमा नयाँ अवसर आउन सक्छ । परिवारबाट सहयोग पाईनेछ । व्यापारबाट आम्दानी बढ्नेछ । घरमा पारिवारिक जमघट बढ्नेछ । वैदेशिक कार्य अगाडि बढ्ने छन् । वोलीको प्रभाव बढ्नेछ ।

वृश्चिकः–पुराना समस्या समाधान हुनेछन् । भाग्यका साथै कर्म बलियो देखिन्छ । आर्थिक कारोवारमा भने थोरै सतर्क रहनु होला । नोकरी तथा राजनीतिमा अवसर खोजी हुनेछ तर सोचे जस्तो नहुन सक्छ । पढाई लेखाईमा प्रगति हुनेछ । वौद्धिक व्यक्तित्व सँग भेटघाट हुनेछ । ज्ञान,शिप र दक्षताको विकास हुनेछ । अरुको आशामा काम नगर्नु होला ।

धनुः– समयमा सामान्य सुधार आउनेछ । बाहिरी काममा बढि समय दिदा हुनु पर्ने काम कम हुनेछन् । सामान्य खालको यात्रा हुनसक्छ । अर्थ अभावका कारण काममा ढिला सुस्ति हुनेछ । आस्था र विश्वास बढ्नेछ । व्यापारमा आएको मन्दि कायम रहनेछ । लेनदेन कारोवारमा सचेत रहनुहोला । सचेत हुनुहोला,आफन्तका कारण आर्थिक क्षय वेहोर्नु पर्ला ।

मकरः–दिन प्रतिकुल देखिन्छ । खर्च बढ्नेछ । दैनिक काम काजमा अवरोध आउन सक्छ । काम गर्ने जोश जागर घट्नेछ । परिवारमा मनमुटाव बढ्न सक्छ । व्यापार व्यवसायमा मन्दि आउनेछ । आवेगमा आएर काम नगर्नु होला । अहार विहारका कारण स्वास्थ्यमा समस्या आउनेछ । अरुको विश्वास र भरोसामा काम गर्नु भयो भने धोका खानु हुनेछ ।

कुम्भः–कुरा भन्दा काममा बढि ध्यान दिनु होला ग्रह,गोचर अनुकुल जस्तै देखिन्छ । स्त्रीका कारण लाभान्वित हुनुहुनेछ । कुनै पनि क्षेत्रमा निरास भएर फर्किनु पर्ने छैन । व्यापार व्यवसायबाट आय आर्जन बढ्नेछ । साथि भाई तथा इष्ट मित्रबाट सहयोग पाईनेछ । विदेश यात्राको सम्भावनालाई नकार्न सकिन्न । दामपत्य जीवनमा सुखानुभूति हुनेछ ।

मीनः– पाइला पाइलामा विचार पु¥याएर हिड्नु होला । तपाई माथि शत्रुको बक्रदृष्टि पर्नेछ । कार्य सम्पादनाम कठिनाइ हुनेछ । मेहनत नगरी काम बन्ने छैनन । कार्य गोपनियता आवस्यक देखिन्छ । बाहिरी काममा मन जानेछ नियन्त्रण गर्नु होला । व्यापार व्यवसायमा भने विस्तारै सुधार आउने देखिन्छ । पुराना मुद्धाको टुङ्गो लाग्न सक्छ । ऋण लगानीमा जोड नदिनु होला ।