सैघाली खबर,
काठमाडौं, २३ साउन । राष्ट्रिय जनता पार्टी ९राजपा० ले संविधान संशोधनको प्रस्ताव पारित गरेपछि मात्र स्थानीय तहको निर्वाचनमा सहभागी हुने जनाएको छ । पछिल्लो समय राजापाका नेताहरुले पारित भए पनि नभएपनि संशोधन प्रस्ताव निर्णयार्थ पेश गर्नुपर्ने बताइरहेका बेला संयोजक महन्थ ठाकुरले बोली फेर्दै पारित नभएसम्म चुनावमा भाग नलिने अडान सुनाएका हुन् ।
पार्टीका संयोजक महन्थ ठाकुरले संविधान संशोधनको विषय प्रतिपक्ष दललाई विश्वासमा लिएर अनुमोदन गराउने काम सरकारको भएको भए पनि त्यसतर्फ सरकार संवेदनशील नभएको बताए ।
उनले राजनीतिक निर्णयबाट स्थानीय तहमा संख्या थप्नुपर्नेमा जोड दिँदै विगतमा मधेशमा भएका विभिन्न आन्दोलनमा मारिएकालाई शहीद, घाइतेलाई औषधि उपचारलगायत पार्टीका माग मन्त्रिपरिषद्बाट पूरा गर्न आग्रह गरे ।