आज (बिहीबार) नेपाली बजारमा सुनको मूल्य ह्वात्तै बढेको छ। बुधबारको तुलनामा आज सुनको मूल्य ८ सय रुपैयाँले बढेको हो।
हिजो प्रतितोला ५९ हजार ६ सय रुपैयाँमा कारोबार भएको छापावाल सुनको मूल्य आज प्रतितोला ६० हजार ४ सय रुपैयाँले कारोबार भइरहेको नेपाल सुनचाँदी व्यवसायी महासंघले जनाएको छ।
त्यस्तै हिजो प्रतितोला ५९ हजार ३ सय रुपैयाँमा कारोबार भएको तेजावी सुनको मूल्य आज प्रतितोला ६० हजार १ सय रुपैयाँमा कारोबार भइरहेको छ।
आज चाँदीको मूल्य पनि बढेको छ। हिजो प्रतितोला ७ सय ४५ रुपैयाँले कारोबार भएको चाँदी आज बढेर प्रतितोला ७ सय ६० रुपैयाँमा बारोबार भइरहेको महासंघले जनाएको छ।
थाहा अनलाइन
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
