लण्डन। इङल्याण्डमा एक महिलाले ट्वाइलेटमा गरेको गलत कामका कारण पूरै टोलका मानिसहरुघर छाडेर भाग्नुपरेको छ । ती महिलाले ट्वाइलेट सफा गर्ने प्रयास गरेकी थिइन् तर यही कारण टोलमा हंगामा मच्चियो । ती महिलाले ट्वाइलेट सफा गर्नको लागि घरेलु केमिकलको प्रयोग गरेकी थिइन् तर ती केमिकलको मिश्रणले युद्धमा प्रयोग गरिने विषालु ग्यास उत्पादन भयो । यद्यपि सही समयमा यसबारे थाहा हुँदा महिला र उनका बच्चाको ज्यान बचेको छ ।
इङल्याण्डको समरसेट नेल्सिया शहरकी डोमिनिक हिथ नामकी महिलाका बच्चाहरुले ट्वाइलेट जाम गराएका थिए । उनले हालै जाम भएको ट्वाइलेटको जाम खुलाउने कोसिस गरिरहेकी थिइन् ।
उनलाई लाग्यो कि धेरै ट्वाइलेट पेपर प्रयोग गरेको वा कुनै खेलौना फसेका कारण ट्वाइलेट जाम भयो । उनले २ घरेलु रसायन हालेर जाम खुलाउने प्रयास गरिन् । तर, यसको नतिजा के हुन्छ भन्ने उनलाई थाहा थिएन । केमिकलका कारण घरमा विषालु ग्यास उत्पादन भयो र उनीहरुको स्वास्थ्य बिग्रियो । उनले तत्काल इमरजेन्सी नम्बरमा फोन गरिन् ।
सहयोगका लागि पुगेका कर्मचारीले महिलाको घरका साथै पूरै टोलका मानिसहरुलाई त्यहाँबाट हटाए त्यसपछि त्यहाँ फैलिएको विषालु ग्यास सफा गरे । जाँचमा थाहा भयो कि ती दुई केमिकल मिसिएपछि घरमा क्लोरिन ग्यास बनेको थियो जो निकै घातक हुन्छ । यो ग्यासको प्रयोग युद्धका क्रममा ठूलो संख्यामा दुश्मनलाई मार्न गरिन्छ ।