चिन विश्वमा संसारका विभिन्न अटोमोबाइल्स कम्पनी यतिबेला विद्युतीय सवारीसाधनको उत्पादनमा केन्द्रित भएका छन् । इन्धनको बढ्दो मूल्यसँगै उत्सर्जनलाई न्यूनीकरण गर्ने उद्देश्यसहित पेट्रोल, डिजेल र ग्यासको विकल्पको रुपमा विद्युतीय प्रणालीको प्रयोग गरिँदैआएको छ ।
यसैबीच, चीनको कार उत्पादक कम्पनी ग्रेटवाल मोटर्सले संसारकै सबैभन्दा सस्तो विद्युतीय कार उत्पादन गरेको छ । ग्रेटवाल मोटर्सका उत्पादनहरु नेपाली बजारमा पनि बिक्री–वितरण हुँदैआएका छन् । यस्तोमा यो कार नेपाली बजारमा पनि नआउँला भन्न सकिँदैन । कम्पनीले निर्माण गरेको ‘ओआरए–आर–१’ विद्युतीय कार सिङ्गल चार्जमा ३ सय ५१ किलोमिटरसम्म गुड्छ ।
यसमा ३५ किलोवाटको ब्याट्री प्याकको प्रयोग गरिएको छ । यसको मूल्य ८ हजार ६८० डलर तोकिएको छ । कम्पनीले कम लागतमा लग्जरी, उत्कृष्ट पफर्मेन्स तथा सुरक्षित कार निर्माण गरेको दाबी गरेको छ ।
हाल उत्पादन भैरहेका अन्य कम्पनीका गाडी ‘टु–इलेक्ट्रीसिटी कन्सेप्ट प्लाटफर्म’मा निर्माण भैरहेको दाबी गर्दै कम्पनीले आफ्नो उक्त मोडल डेडिकेटेड अवधारणामा डिजाइन गरेको जनाएको छ । यस प्ल्याटफर्मलाई एमई नाम दिइएको छ । यसमा मोटर, ब्याट्री र इलेक्ट्रीक कन्ट्रोल गरी तीनवटा प्रणाली दिइएको छ । यो मोडल उच्च भ्यालु, ज्यादा स्पेस, स्मार्ट, सेफर र हाई क्वालिटीजस्ता अवधारणामा निर्माण भएको कम्पनीको दाबी छ ।
कारको लम्बाई ३ हजार ४ सय ९५ एमएम, चौडाई १ हजार ६ सय ६० एमएम रहेको छ । यसमा १ हजार ५ सय ६० एमएमको ग्राउन्ड क्लियरेन्स दिइएको छ । ड्राइभर तथा प्यासेन्जरको सुरक्षाका लागि विभिन्न सुविधा यसमा दिइएको छ । यसको बडीमा ६० प्रतिशत हाई–स्ट्रेन्थ स्टीलको प्रयोग गरिएको कम्पनीले दाबी गरेको छ ।
यसको डिजाइन साधारण, युनिक तथा आकर्षक रहेको दबी गर्दै कम्पनीले फ्रन्टमा आकर्षक हेडलाइटको प्रयोग गरेको छ भने आर्टिफिसियल इन्टेलिजेन्स सिस्टमको प्रयोग गरिएको छ । यो कारलाई ुहेलो ओरआएएु भन्नेवित्तिकै एक्टीभ हुने कम्पनीले जनाएको छ ।