काठमाडौंः प्रहरीले बर्दियामा गोली चलाएको छ। हत्या आरोप लागेपछि फरार भएका युवराज गिरीलाई पक्राउ गर्न प्रहरीले गोली चलाएको हो।
सुर्खेतबाट कोहलपुर पुगेका दिपकसिंह ठकुरीको विभत्स हत्या गरेको आरोपमा उनलाई पक्राउ गरिएको हो। ठकुरीको २६ पुसमा हत्या भएको थियो। प्रहरीले गिरीको संलग्नता खुलेपछि खोजी कार्यलाई तीब्र पारेको थियो। खोजीको क्रममा प्रहरीको उनीसँग जम्का भेट भएको थियो।
जम्का भेटमा उनी भाग्न खोजेपछि गोली चलाइएको प्रहरीले जनाएको छ। उनको खुट्टामा गोली लागेको छ। प्रहरीले आक्रमक गतिविधीको प्रयाससमेत गरेकाले उनीमाथि गोली चलाइएको प्रहरीले जनाएको छ।
उनको अवस्था सामान्य रहेको प्रहरीले जनाएको छ। थप अनुसन्धान भइरहेकोसमेत प्रहरीले जनाएको छ।
थाहा अनलाइन
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
