प्रदेश न ४ मनाङ ‘ख’ का विजयी सांसद राजिव गुरुङ ‘दीपक मनाङ्गे’ फिल्म निर्माणमा आउने भएका छन् । उनले शिशिर राणालाई निर्देशकको रुपमा लिएर फिल्म बनाउन लागेका हुन् ।
बुधबार मनाङ्गेसहित उनको निर्माण टिमका अन्य साथीले आफुले बनाउने फिल्मका लागि निर्देशकको रुपमा शिशिर राणलाई चयन गरेका छन् ।
नाम जुर्न बाँकी फिल्म रेड वर्ड प्रोडक्सनको व्यानरमा निर्माण हुन लागेको हो । श्यामबहादुर थापाको प्रस्तुति रहने फिल्ममा कार्यकारी निर्माता रघु परियार र किरण नेपाली रहने छन् ।
विवाहित दम्पतीको प्रेमकथा बन्न लागेको फिल्मको एक गीत रेकर्ड भइसकेको छ । फिल्मका लागि छिट्टै कलाकार पनि ढुङ्गो लाग्ने निर्देशक शिशिर राणाले बताए ।
आगामी चैत अन्तिम साताबाट छायाँकन जाने बताइएको फिल्म छायाँकन पूर्व एक कार्यक्रम सहित घोषणा हुने निर्देशक राणाले जानकारी गराए ।
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
