काठमाडौं – पल्सर शहिद स्मारक ‘ए’ डिभिजन लिग विजेता मनाङ मर्स्याङ्दी क्लबलाई विश्व फुटबल महासंघ (फिफा) का अध्यक्ष जियानी इनफान्टीनोले बधाई दिएका छन् । फिफा अध्यक्ष जियानीले अखिल नेपाल फुटबल संघ (एन्फा) अध्यक्ष कर्माछिरिङ शेर्पामार्फत बिहीबार मनाङलाई बधाई पत्र पठाएका हुन् ।
फुटबलमा सकारात्मक सन्देश प्रवाह गरेकोमा फिफाले फुटबल समुदायका तर्फबाट मनाङ र एन्फालाई धन्यवाद पनि दिएको छ । मनाङ सर्वाधिक आठ पटक ‘ए’ डिभिजन लिग जितेर कीर्तिमान बनाएको थियो ।
एन्फाले पहिलो पटक रेलिगेन बिनाको लिग सञ्चालन गरेकोले घरेलु दर्शक र सर्मथकको त्यति साथ पाएको थिएन । लिगलाई फिफा र एसियाली फुटबल महासंघ (एएफसी) ले भने मान्यता दिएको थियो ।
थाहा अनलाइन
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
