दाङ । दाङको विभिन्न स्थानमा बसोबास गर्ने सार्की समुदायको घोराहीमा भएको भेलाले नेपाल सार्की समाज दाङ गठन गरेको छ । देवकुमार नेपालीको अध्यक्षतामा १३ सदस्यीय कार्यसमिति गठन गरेको हो । जस्को उपाध्यक्षमा संगीता धौलाकोटी,सचिवमा सुभाष नेपाली, सहसचिवमा सन्तोष नेपाली, कोषाध्यक्षमा खविलाल नेपाली चयन हुनु भएको छ ।
यस्तै भेलाले कार्यसमितिको सदस्यहरुमा मानबहादुर नेपाली, मित्रलाल नेपाली, बेलमती नेपाली, गोमा नेपाली, मोहन नेपाली, प्रदिप नेपाली, प्रकाश नेपाली र जीतबहादुर नेपाली चयन हुनु भएको छ । दलित समुदायको एउटा अभिन्न अंगको रुपमा रहेको सार्की समुदायलाई एकताबद्ध बनाउँदै लैजाने उदेश्यले गठन गरिएको समाजले आगामी दिनहरुमा सचेतना मुलक कार्य गर्ने, समुदायको पहिचानको खोजी र संरक्षण गर्ने अध्यक्ष नेपालीले बताउनुभयो ।
देवकुमार नेपालीको अध्यक्षता तथा घोराही उपमहानगरपालिका वडा नं. ४ का अध्यक्ष भिमबहादुर सार्कीको प्रमुख आतिथ्यतामा भेला भएको हो । कार्यक्रममा वडा नंं ५ का सदस्य डिल्लीबहादुर चौधरी, दंगीशरण गाउँपालिका वडा नं. २ का दलित महिला सदस्य संगीता धौलाकोटी, अभिवक्ता गोपाल नेपाली, पत्रकार नवीन अभिलाषी, शिक्षक वलवीर नेपाली र टंक नेपाली लगाएतले बोल्नु भएको थियो । कोषाध्यक्ष खविलाल नेपालीको स्वागत मन्तब्यबाट सुरु भएको कार्यक्रमको सहजीकरण सचिव सुभाष नेपालीले गर्नुभएको थियो ।
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
