चलचित्र `दि ब्रेकअप´को ट्रेलरमा यस्तो देखियो (भिडियो)

काठमाडौं । चलचित्र ‘दि ब्रेकअप’को ट्रेलर सार्वजनिक भएको छ । अाज काठमाडौंमा एक कार्यक्रम गर्दै ट्रेलर सार्वजनिक गरिएको हो । ट्रेलरमा कलाकार आशिरमान देशराज जोशी र नायिका शिल्पा मास्केको प्रेम र ब्रेकअपको कुरालनई विशेष रूपमा देखाइएको छ । आशिरमान र शिल्पाबीचको प्रेम कथा अन्त्यमा गएर ब्रेकअप भएको देख्न सकिन्छ ।

यो चलचित्रको निर्देशन हेमराज बि.सि.ले गरेका छन् भने चलचित्रका निर्माता रुपक थापा हुन् । चलचित्रको छायाङ्कन अष्ट्रेलियाको सुन्दर स्थानहरूमा गरिएको निर्माण पक्षले जनाएको छ ।

चलचित्रको ट्रेलरमा आशिरमान र शिल्पाको चुम्बनलाई अाकर्षक तरिकाले देखाइएको छ । ट्रेलरसंगै चलचित्रको दुई गीतलाई पनि उक्त कार्यक्रममा प्रस्तुत गरिएको थियो । चलचित्रको रिलिज मिति फागुन १७ अर्थात मार्च १ तय गरिएको छ ।

थाहा अनलाइन

यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।