सैघाली खबर
दाङ, साउन २९ शुक्रबार देखी लगातार परेको पानीले बिभिन्न नदि तथा खोलाहरुमा बाढी आउदा दाङमा यातायातका साधनहरु ठप्प भएका छन ।
बाढीका कारण दाङबाट कुनै पनि सवारी साधान सञ्चालनमा आउन नकसकेको दाङका प्रमुख जिल्ला अधिकारी गजेन्द्रबहादुर श्रेष्ठले जानकारी दिएका छन ।
बाढीका कारण दाङ दुई दिनदेखि आन्तरिक नाकावन्दीमा परेको उनले बताए। तुलसीपुर ६ मोतिपुरमा शुक्रबार राति आएको बाढीले सडक खण्ड बगाएपछि तुलसीपुर(घोराही सडक खण्ड अवरुद्ध बन्दै आएको छ। त्यो मर्मतको प्रयास जारी रहे पनि निरन्तरको वर्षाका कारण सम्भव नभएको प्रजिअ श्रेष्ठले बताए ।
त्यस्तै तुलसीपुर( सल्यान सडक खण्डको विभिन्न स्थानमा झरेको पहिरो उक्त सडक खण्ड अवरुद्ध भएको छ । राप्ती राजमार्ग अन्तर्गत बबईमा आएको बाढीले तुलसीपुर–अमेलिया सडक खण्ड अबरुद्ध भएको छ दाङका बिभिन्न खहरे खोलामा आएको बाढीले शुक्रबारदेखि घोराही लमही सडक खण्ड त्यस्तै तुलसीपुर देखी पश्चिम दाङका सडकहरु पनि अवरुद्ध भएका छन दाङको गोल्टाकुरी ,फुलबारी लगाएतका स्थानमा सडक सञ्जाल बन्द भएको छ ।
निर्माण व्यवसायिको लापरवाहीले गर्दा समयमै पूल निर्माण नहुँदा दाङको सार्वजनिक यातायात जोखिम युक्त बनेको श्रेष्ठले जानकारी दिए।आफु समेत जिल्ला सदरमुकाम घोराहीदेखी बाहिर निस्कन नसकेको भन्दै ‘राहात , उद्धार र पुनःस्थापनाका लागि स्थानीय जनप्रतिनिधि, नेपाली सेना, प्रहरी, सशस्त्र प्रहरी, रेडक्रस र नागरिक समाजलाई परिचालन गरेरै भए पनि उद्धार, राहात वितरण र पुनःस्थापनाको प्रयास जारी राखेको जानकारी दिएका छन।दाङमा हालसम्म दुई जनाको मृत्यु भएको , ४९ घर पूर्ण रुपमा ध्वस्त भएको , २५६ वढी घर डुवानमा परेको , एक हजार भन्दा बढी मानिस विस्थापित भएको , पाचसय जतिलाई सुरक्षित स्थानमा सारिएको जानकारी दिए । आईतबार पनी निरन्तर अविरल वर्षा जारी रहेको हुँदा उनले राप्ती, बबई लगायत स्थानीय खोला आसपासमा बस्नेहरुलाई सचेत रहन उनले आग्रह समेत गरेका छन् ।
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
