मलेसियामा तीन महिनादेखि तलव नपाएपछि २ हजार नेपाली आन्दोलनमा उत्रिए (भिडीयो)

क्वालालम्पुर, माघ १५-

मलेसियाको एक कम्पनीमा ३ महिनादेखि काम गरेको तलव नपाएपछि २ हजार नेपाली आन्दोलित भएका छन् ।मलेसियाको सेलेंगर राज्यमा अवस्थीत डव्लुआरपी कम्पनीमा कार्यरत नेपाली सहित अन्य मुलुकका श्रमिकआन्दोलनमा उत्रेका हुन् । सो कम्पनीले ग्लोव उत्पादन गर्ने गर्दछ । सो कम्पनीले श्रमिकको शोषण गरिरहेको भन्दै यसअघि बेलायती सञ्चार माध्यम गार्जियनले पनि समाचार प्रकाशित गरेको थियो ।

नेपाली जनप्रगतिशिल मोर्चा मलेसियाका पूर्व महासचिव अर्जुन सुवेदीका अनुसार मंगलवार विहानैदेखि सोकम्पनीमा प्रहरी तैनाथ गरिएको छ । सो कम्पनीमा कार्यरत दुईजना नेपालीले आफूसँगको कुराकानीमा तीनमहिनादेखि आफूहरुले तलव नपाएको र तलव माग्दा एकमहिनाको मात्र दिने बताएपछि कामदारहरु आन्दोलनमाउत्रिएको बताएको सुवेदीले बताए ।