सीमापार गर्न लागेका २९ गाई नियन्त्रणमा

सैघाली खबर ,
महोत्तरी ११ भदौ। भन्सार छली भारततर्फ अवैधरूपमा लैजाँदै गरेको २९ वटा गाई प्रहरीले बर्दिबासबाट नियन्त्रणमा लिएको छ । गएराति इलाका प्रहरी कार्यालय बर्दिवासले विशेष सुराकीका आधारमा बर्दिबास नगरपालिका–२ बाट २६ गाई र तीनवटा गोरु नियन्त्रणमा लिएको हो ।
ना६क ३८४१ नंको ट्रकमा बर्दिबासबाट औरही–जलेश्वर सडकखण्ड हुँदै भारततर्फ लैजाँदै गर्दा विशेष सुराकीका आधारमा प्रहरीले बरामद गरेको प्रहरी निरीक्षक वासुदेव थापाले जानकारी दिए ।
बरामद गरिएका गाई हेटौँडाबाट ल्याइएको र भारत, बंगलादेशतर्फ लैजान लागेको प्रहरी अनुसन्धानबाट खुल्न आएको छ । बरामद गाई र ट्रक आवश्यक कारबाहीका लागि भन्सार कार्यालय जलेश्वरमा बुझाएको इप्रका बर्दिबासले जनाएको छ ।
महोत्तरीमा खुला सीमा नाकाका कारण दैनिक गाईगोरु भारतमा तस्करी हुँदै आएको छ ।

थाहा अनलाइन

यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।