सेघाली खबर
काठमाडौं, १४ भाद्र
बेपत्ताविरुद्धको अन्तर्राष्ट्रिय दिवस, आज नेपालमा पनि विभिन्न कार्यक्रम गरी मनाईंदैछ । बेपत्ता पारिएका व्यक्तिहरुको सँझनामा प्रत्येक वर्षको अगष्ट ३० तारिखका दिन विश्वभर यो दिवस मनाउने गरिएको छ । नेपालमा बेपत्ता पारिएकाको संख्या ३ हजार एकसय १४ रहेको बेपत्ता पारिएका व्यक्तिहरुको छानबिन आयोगको तथ्यांक छ । तर शान्ति मन्त्रालयसँग भने करिब १५ सय जना बेपत्ता भएको भन्ने तथ्यांक रहेको छ । सरकारको तथ्यांकभन्दा बढी उजुरी आयोगमा परेको हो र आयोगले अनुसन्धानको काम थालेको बताएको छ । आयोगले जनशक्ति अभावका कारणले गर्दा भने जसरी काम हुन नसकेको बताउँदै आएको छ ।
थाहा अनलाइन
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
