बालसंरक्षणमा जनप्रतिनिधिहरुको महत्वपुर्ण भुमिका हुने

सैघाली खबर दाङ ,१५ भाद्र

तुलसीपुर उपमहानगरका कार्यकारी अधिकृत टोपेन्द्र केसीले वालअधिकारसंरक्षणका लागि जनप्रतिनिधिहरुको महत्वपुर्ण भुमिका रहने वतएका छन । जनप्रतिनिधिका लागि वालसंरक्षण र वालश्रमाका विषयमा आयोजीत अभिमुखीकरण समापन अवसराम कार्यकारीअधिकृत केसीले त्यस्तोकुरा वताएका हुन् ।

भविष्यको सुन्दरता र समृद्धिका लागि वालवालीकाहरुको सर्वाङगीण विकासका लागि जनप्रतिनिधिहरु वडातहमा निति नै वनाएर वालअधिकार संरक्षणका साथै नगरलाई स्थानिय वालमैत्रि नगरकारुपमा विकास गर्न जनप्रतिनिधिको भुमिका अतुलनिय हुने पनि उनले वताएका थिए ।

तालिममा सहभागि जनप्रतिनिधिहरुले वालसंरक्षण र वालश्रम न्युनिकरणमा कार्यायोजना वनाएरै अगाडि वढने प्रतिवद्धता गरेकाथिए । तुलसीपुर उपमहानगरपालिकाले नगरका सबै जनप्रतिनिधीहरुलाई बाल संरक्षणका सवालमा अभिमुखिकरण गराएको छ । उपमहानगरपालिकाले नगर प्रमुख, उपप्रमुख सहित नगरका एक सय जना जनप्रतिनिधीहरुलाई बाल संरक्षण सम्बन्धी प्रशिक्षण दिएको हो । पहिलो चरणमा नगर कार्यपालिका सदस्य र त्यसपछि वडा सदस्यहरुलाई गरी सबै जनप्रतिनिधीलाई बाल संरक्षणका सवालमा अभिमुखिकरण गराएको कार्यकारी अधिकृत टोपेन्द्र केसीले जानकारीदिए ।

उपमहानगरलाई बालमैत्री बनाउन सबैभन्दा पहिले वडाहरुमा बालमैत्री योजना निमार्ण भइ कायान्वयन गर्नुपर्ने भएकाले जनप्रतिनिधीहरुलाई बाल संरक्षण सम्बन्धी अभिमुखिकरण दिइएको हो । कार्यक्रममा सहभागी जनप्रतिनिधीहरुले आ–आफ्नो वडालाई बालमैत्री बनाउन योजना बनाएर लाग्ने प्रतिबद्धता ब्यक्त गरेका थिए । उपमहानगरपालिकाले सबै भन्दा पहिले बालमैत्री घोषणा गर्ने वडालाई प्रोत्साहनको नीति ल्याएकाले छ । युनिसेफ र तुलसीपुर उपमहानगरपालिकाको सहयोगमा नवजागरण महिला तथा बाल संरक्षण केन्द्र न्यु सिपीसीले जनप्रतिनिधीहरुलाई अभिमुखिकरण गराएको हो ।

कार्यक्रममा नगर स्तरिय बाल संरक्षण समितिका संयोजक तथा वडा नं. ६ का अध्यक्ष नवराज लामिाछाने, बालमैत्री जिल्ला सहजकर्ता नानीमैयाँ वली र उपमहानगरपालिकाका सुचना अधिकारी झरेन्द्र खरेलले प्रशिक्षण दिएकाथिए भने कार्यक्रमको सहजीकरण एलजिसिडिपि फोकल प्रसन भिम खत्रिले गरेकाथिए ।