आज मानव बेचबिखन विरुद्धको एघारौं राष्ट्रिय दिवस

सैघाली खबर काठमाडौं ,२० भाद्र

आज मानव बेचबिखन तथा ओसारपसारविरुद्धको एघारौं राष्ट्रिय दिवस, विभिन्न कार्यक्रम गरेर मनाईंदैछ । “एउटै लक्ष्य एउटै सार, मानव बेचबिखनको अन्त्य हाम्रो साझा सरोकार” भन्ने नाराका साथ महिला बालबालिका तथा समाज कल्याण मन्त्रालयको अगुवाइमा यो दिवस मनाउन लागिएको छ ।

आज बिहान राजधानीको विभिन्न ठाउँमा प्रभातफेरि गरेर प्रज्ञा भवन कमलादी पुगेर विशेष कार्यक्रम अहिले केहीबेरमा शुरु हुँदैछ । प्रभातफेरिमा महिला, बालबालिका तथा समाज कल्याण मन्त्री आशा कोइरालासहित सरकारी अधिकारीहरु, यस क्षेत्रमा काम गर्ने गैरसरकारी संघसंस्थाका प्रतिनिधि तथा अभियन्ताहरुको सहभागिता रहेको छ । प्रज्ञा भवनमा हुने कार्यक्रममा सभामुख ओनसरी घर्तीको पनि सहभागिता रहने मन्त्रालयले जनाएको छ ।