सैघादी खबर
काठमाडौं, २३ भाद्र
एसीसी यु–१९ क्रिकेटप्रतियोगिता खेल्न नेपालको युवा टोली मलेसिया प्रस्थान गर्दैछ ।मलेसियामा हुने प्रतियोगिताको लागि १४ खेलाडी सम्मिलित नेपाली टोली आज त्यसतर्फ जान लागेको हो । यसपटक १९ वर्ष मुनिको नेपाली राष्ट्रिय टोलीको कप्तानी दिपेन्द्र सिंह ऐरीले गर्दैहुनुहुन्छ । उमेर समूहको यो टोलीमा सन्दिप जोरा, नन्दन यादव, सुमित महर्जन र विक्रमकुमार भूसालले पहिलो पटक स्थान बनाउनु भएको छ ।
नेपाली टोलीको प्रशिक्षण बिनोद दासले सम्हाल्नु भएको छ । प्रतियोगितामा नेपाल रहेको समूह ‘ए’ मा सिंगापुर, थाइल्यान्ड र भुटान छन् । समूह ’बी’मा आयोजक मलेसियासँगै हङकङ, चीन र म्यानमार रहेका छन् । फाइनलमा पुग्ने दुई टोली एसीसी यूथ नाईन्टिन एसिया कप क्रिकेटमा छनौट हुनेछन् ।
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
