सैघाली खबर
दाङ २८ , भदौ
घोराही उपमहानगरपालिका वडा नम्बर १३ कलमघारीमा शहरी स्वास्थ्य केन्द्रको उद्घाटन गरिएको छ । यस अघि कलमघारी विद्यालयको कोठाबाट सेवा दिदै आएको केन्द्रले वधुवार बाट आफ्नै भवन मार्फत सेवा दिने गरि उपमहानगर प्रमुख नरुलाल चौधरीले उद्घाटन गरेका थिए ।
करिब १२ लाखको लागतमा निर्माण गरिएको स्वास्थ्य क्लिनिकको मेयर चौधरीले रिवन काटेर र पानसमा बत्ति बालेर उद्घाटन गरेका हुन । भवन निर्माण समितिका अध्यक्ष मिनु गिरीको अध्यक्षतामा भएको कार्यक्रममा प्रमुख अतिथीको आशनबाट बोल्दै मेयर चौधरीले सिमित स्रोत साधनका बाबजुत पनि गुणस्तरीय सेवा प्रबाह गर्नुपर्ने बाध्यता रहेको बताए ।
त्यस भेगका नागरिकह?को स्वास्थ्य उपचारमा भ्याए सम्मको स्रोत साधन प्रयोग गरेर सेवा दिन आग्रह गर्नुभएको छ । स्वास्थ्य प्रति सबै नागरिकह? सचेत र सजग हुनुपर्नेमा जोड दिदै मेयर चौधरीले सेवा सुबिधालाई विस्तारै बृद्धी गर्ने समेत वताए ।
कार्यक्रममा वडा नम्बर १३ का अध्यक्ष रविलाल घर्ती, जिल्ला समन्वय समितिका सदस्य तिलाकुमारी बुढा, वडा सदस्यहरु केशब गिरी, पवित्रा सेर्पाईली, जनस्वास्थ्य कार्यालयका तथ्यांक अधिकृत मदन पोख्रेल, नगर स्वास्थ्य केन्द्र भ्युडरका अनमी कबिता शर्मा लगाएतले भनाई राखेका थिए ।
कार्यक्रमको सहजिकरण निर्माण समितिका सचिब अमृत रोकाले गर्नुभएको थियो । घोराही उपमहानगर, जनस्वास्थ्य र स्थानियहरुको रकमबाट सो क्लिनिक भवनको निर्माण गरिएको हो ।
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
