सैघाली खबर काठमाडौं,२९ भाद्र
१९ वर्षमुनिको एसिया पूर्वि क्षेत्रिय क्रिकेट प्रतियोगितामा नेपाल अहिले सिंगापुरसँग खेलिरहेको छ । मलेसियाको क्लब अमानमा टस हारेर नेपाल पहिले फिल्डिङ गरिरहेको छ ।
यो खबर तयार पार्दासम्म नेपालले राम्रो शुरुवात गर्दै दुई विकेट लिएको छ । नेपालका लागि दुवै विकेट किशोर महतोले लिनुभएको हो ।
आफ्ना दुवै खेल जित्दै नेपाल र सिंगापुर प्रतियोगिताको सेमिफाइनल पुगिसकेका छन् ।
दुुई समूह रहेको यो प्रतियोगिताको फाइनलमा पुग्ने टिम एसिया कपका लागि छनौट हुनेछन् । नेपालले यसअघि थाइल्याण्डलाई २ सय ५१ र भुटानलाई ९ विकेटले हराएको थियो ।प्रतियोगिताको पहिलो खेलमा थाईल्याण्डलाई दुई सय ५५ रनले हराएको नेपालले दोस्रो खेलमा हिजो भुटानलाई ९ विकेटले पराजित गरेको हो । खेल मलेसियाको किन्रारा ओभल मैदानमा हुँदैछ । प्रतियोगिताको फाइनलमा पुग्ने दुई टोलीले आगामी नोभेम्बरमा मलेसियामै हुने युथ एसिया कप क्रिकेटमा एसियाका टेष्ट मान्यता प्राप्त राष्ट्रका युथ टोलीसँग खेल्ने मौका पाउनेछन् ।