६ जनालाई कोरोनाको आशंकामा राखियो टेकु र पाटन अस्पतालको आइसोलेसनमा

नाेबल कोरोना (कोभिड-१९) भाइरसको संक्रमण हुनसक्ने आशंकामा बिहीबार ६ जनालाई आइसोलेसनमा राखिएको छ।

स्वास्थ्य तथा जनसंख्या मन्त्रालयका प्रवक्ता डा. विकास देवकोटाका अनुसार टेकुस्थित शुक्रराज ट्रपिकल तथा सरुवा रोग अस्पतालमा ४ तथा पाटन अस्पतालमा थप २ जना आइसोलेसनमा राखिएको हाे।

उनीहरुलाई बिहीबार नै आइसोलियसनमा राखिएको र नमूना परिक्षणका लागि राष्ट्रिय प्रयोगशालामा पठाइएको उनले बताए।

यसअघि काेराेना संक्रमणसँग मिल्दाेजुल्दाे लक्षण देखिँदा करिब साढे ४ सयकाे ल्याब परिक्षण गर्दा एकजना बाहेक कुनैमा पनि काेराेनाका लक्षण पाइएकाे छैन। एकजनामा लक्षण देखिएकाेमा ती व्यक्ति पनि निकाे भइसकेका छन्।

थाहा अनलाइन

यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।