ओमप्रकाश गुप्ता, सिसहनियाँ १४ असार । दाङ देउखुरीको राप्ती गाउँपालिकाका ४ वडाका गरिव,विपन्न परिवारलाई बंगुरको पाठापाठी बितरण गरिएको छ । राप्ती गाउँपालिका र मुख्यमन्त्री ग्रामिण बिकास कार्यक्रम अन्र्तगत कोभिड १९ को महामारीले असर परेका परिवारहरुलाई पशुपंक्षी तथा मत्स्य विकास शाखाको पहलमा गाउँपालिकाको वडा नम्बर ५, ६, ७ र ८ का २० जना परिवारहरुलाई बंगुरको पाठापाठी बितरण गरिएको हो ।
कोभिड १९ को महामारीले असर परेका परिवारहरुबाट समुह गठन गरि प्रत्येकलाई एक एक वटा बंगुरको पाठी र समुहलाई बंगुरको दुई पाठा गरि चार वटा वडामा ८० वटा बंगुरको पाठी र आठ वटा बंगुरको पाठा बितरण गरिएको पशुपंक्षी तथा मत्स्य विकास शाखाका शेरबहादुर हमालले बताएका छन् ।
साथै बंगुरहरुलाई निशुल्क जुकाको औषधी र भिटामिनको अाैषधी समेत बितरण गरिएको छ । बितरीत बंगुरका पाठापाठीको बिमा समेत गरिएको छ ।वितरीत बंगुरका पाठापाठीले गरिब तथा बिपन्न परिवारलाई आयमुलक कार्यमा सरिक गराउन महत्वपुर्ण भुमिका खेल्ने बिस्वास लिइएको पशुसेवा शाखाका शेरबहादुर हमालले बताएका छन्।
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
