काठमाडौं / १० असोज।
नेपालीहरुको कर्मथलो कतारमा दुर्घटना तथा बिभिन्न कारणले ज्यान गुमाउने नेपालीहरुको संख्या दैनिक रुपमा बढीरहेको छ ।
पछिल्लो ९ महिनामा मात्र १०९ जना नेपालीहरुको ज्यान गएको छ । हालसम्म कतारमा १८ जना नेपालीले कोरोनाका कारण ज्यान गुमाएका छन् ।
थप १२ जना सहित १८ जनाको कतारमै अन्त्येष्टी गरिएको छ ।
१२ जना बिभिन्न कारणले मृत्यु भएका र नेपालबाट परिवारले कतारमा अन्त्येष्टी गर्न सहमति दिए पछि मात्र अन्त्येष्टी गरिएको नेपाली राजदूतावासका द्वित्तीय सचिव भुवनप्रसाद भट्टले जानकारी दिएका छन् ।
उनका अनुसार लकडाउन यता ७५ वटा शव नेपाल पठाई सकिएको छ भने ४ जनाको शव कतारको शव गृहमा रहेको छ ।
थाहा अनलाइन
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
