कपिलवस्तु । कपिलवस्तुको महाराजगन्ज नगरपालिकाले वडा नं २ करहवा लगायत ७ गाउँ मा रहेका इनारमा १२ लाख खर्च गरेर निर्माण गरेको इनारको ढक्कन २ महिना नहुँदै भत्किन लागेको छ ।
महाराजगन्ज नगरपालिका भित्र को पल्टा , करहवा , गनवरिया ,सानो गैडहवा, ठुलो गैडहवा , सानो उनवलिया र ठुलो उनवलिया गाउँहरू मा १२ लाख को बजेटमा इनारको संरक्षण गर्ने को लागि ढक्कन निर्माण गरेको हो ।
जस मध्ये करहवा गाउ मा ढक्कन निर्माण भएको २ महिना नहुँदै फुट्न लागेको छ । ढक्कन निर्माण गर्दा गुणस्तरहीन सामग्रीको प्रयोग र सिमेन्ट पनि कम प्रयोग भएको कारणले भत्किन लागेको स्थानीयले बताएका छन् ।
ढक्कन निर्माण हुँदा कमसल सामग्रीको प्रयोग गर्दा स्थानीयले विरोध गरे पनि जनप्रतिनिधिले बेवास्ता गरेको स्थानीय बासीको गुनासो रहेको छ । इनारको ढक्कन निर्माण का उपभोक्ता समिति का अध्यक्ष अरुण कुर्मीका अनुसार निर्माण भएको ढक्कन गुणस्तरहीन रहेको कुरा स्वीकार गरेका छन् ।
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।