नवलपरासी । नवलपरासी पश्चिममा मोटरसाइकल दुर्घटनामा परि दुई जना गम्भीर घाइते भएका छन् ।
शनिवार प्रतापपुर गाउँपालिका वडा नं. ७ सुर्यपुरा स्थित झुलनीपुर त्रिवेणी सडक खण्ड अन्तर्गत साढे चार बजे दक्षिणबाट उत्तर तर्फ जाँदै गरेको युपी ५६ ए यल १५१४ नम्बरको मोटरसाइकलले विपरीत दिशाबाट आउँदै गरेको लु २ प २०५४ नम्बरको मोटरसाइकल एक आपसमा ठक्कर खादा मोटरसाइकल चालक प्रतापपुर वडा नं.६ बस्ने अन्दाजी ३५ / ४० वर्षीय राजेश केवट गम्भीर घाइते भएका हुन ।
गम्भीर घाइते केवटलाई उपचारको लागी मेडिकल कलेज भैरहवा पठाइएको जिल्ला प्रहरी कार्यालय परासीका सूचना अधिकारी प्रेम बहादुर शाहीले जानकारी दिनु भएको छ ।
यसै गरी अर्को नेपाली प्लेट मोटरसाइकल भएको चालकको नाम राजेश यादव अन्दाजी वर्ष ३५ / ४० का हुन । उनको घर सुनवल नगरपालिका वडा नं १० हो । गम्भीर घाइते यादवको उपचारको लागी सहिद स्मृति सामुदायिक अस्पताल चौपत्ता पठाइएको जिल्ला प्रहरी कार्यालय नवलपरासी पश्चिमले जनाएको छ ।
हाल दुवै मोटरसाइकल नेपाल प्रहरीको नियन्त्रणमा रहेको छ ।
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
