पोखरा/ आर्थिक वर्षको बाँकी अवधिकालागि प्रदेश सरकारले ल्याउने बजेटबारे छलफलका क्रममा बिहीबार सांसदहरुले ५० लाखसम्म बाँड्न पाउनुपर्ने माग गरेका छन् । यसअघिको केन्द्रीय संसदमा सांसद विकास कोष गठन गरी सांसदहरुले विकास खर्च गरेजस्तै आफूहरुले पनि त्यस्तै शीर्षकमा बजेट पाउनुपर्ने माग प्रदेश सभाका सांसदहरुले गरेका हुन् ।
यसअघिको केन्द्रीय संसदमा सांसद विकास कोष गठन गरी सांसदहरुले विकास खर्च गरेजस्तै आफूहरुले पनि त्यस्तो शीर्षकमा बजेट पाउनुपर्ने माग यहाँको प्रदेश सभामा उठेको छ । यो खबर आजको अन्नपूर्णपोस्टमा छापिएको छ ।
प्रतिपक्षी कांग्रेसका सांसद कृष्णचन्द्र नेपालीलेभने, ‘केन्द्रकै जस्तो सांसद विकास कोष राख्नुहुन्छ या के नाम राख्नुहुन्छ राख्नोस, ‘तर सांसदले विकास गर्न पाउने व्यवस्था होस्, अहिले जनताले प्रदेश सांसदसँग आशा राखेका छन्’ ।
महिला तथा बालबालिका मन्त्रीसमेत रहिसकेकी प्रदेश सांसद आशा कोइराला खनालले प्रदेश सांसदको अस्तित्वकालागि पनि निर्वाचन क्षेत्र विकास कार्यक्रम चाहिने विचार राखिन् ।
खनालले सांसद मार्फत बजेट जाँदा प्रदेशको सबै निर्वाचन क्षेत्रमा समान विकास हुने बताइन् । सांसद रामजी बरालले घाइते, अपांग र वेपत्ताका परिवार केन्द्रित भएर बजेट ल्याउन सुझाब दिए । धनञ्जय दवाडीले पर्यटन केन्द्रित हुने बजेटको सिद्धान्तको प्रशंसा गरे । ‘पर्यटनबाटै रोजागरी सिर्जना हुन्छ, गरिबी निवारणमा योगदान पुग्छ’, उनले भने ।
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
