आजको राशिफल

गोपनीयता बाहिरिनाले लक्ष्यमा पुग्न अप्ठ्यारो पर्नेछ। काम बिग्रने भयले सताउनेछ भने न्यून उपलब्धिमा चित्त बुझाउनुपर्ने परिस्थिति देखिन्छ। तापनि रोकिएको काममा दोहोर्याएर प्रयत्न गर्नुहोला। तत्काल उपलब्धि प्राप्त नभए पनि सम्भावना खोजी गर्ने समय छ। साँझतिर केही काम बन्नेछन्। स्वास्थ्यका लागि आहारविहारमा ध्यान पुर्याउनुहोला।

हिस्सेदारसँग मिलेर नयाँ काम प्रारम्भ गर्न सकिनेछ। दिगो योजनाका साथ अघि बढ्दा बिस्तारै लाभ मिल्नेछ। अरूको व्यवहारले शंका उब्जाए पनि मान्यजनको सुझाव शिरोधार्य गर्दा फाइदा हुनेछ। साँझतिर असहज परिस्थितिका बीच कामको दायित्व बढ्नेछ। समयमै समस्या सुल्झाउन सजग रहनुपर्ला। अध्ययनमा समय दिन नसक्दा पछि परिनेछ।

अरूको भरपर्दा प्रभावकारी काम नहुन सक्छ।आत्मसम्मानमा बाधा पुग्न सक्छ। विचारलाई तौलेर मात्र व्यक्त गर्नुहोला। बुद्धिको उपयोगले अरूलाई आफ्नो पक्षमा लिन सकिनेछ। विवेकले काम लिने प्रयत्न गर्नुहोला। साँझतिर सहयोगीहरूको साथ प्राप्त हुनेछ। मिहिनेत गर्दा बिस्तारै काम बन्नेछ। विभिन्न अवसर प्राप्त हुनाले दैनिकीमा परिवर्तन आउनेछ।