दाङ ,२४ असार
लेखक संघ दाङले साहित्यकार ‘नित्यानन्द शर्मा स्मृति ग्रन्थ’ प्रकाशन गर्न भएको छ । आज लेखक संघ दाङका अध्यक्ष खगराज न्यौपानेको अध्यक्षतामा बसेको बैठकले साहित्यकार शर्माको वार्षिक पूण्य तिथिको अबसरमा स्मृति ग्रन्थ प्रकाशन गर्ने निर्णय गरेको हो ।
स्मृति ग्रन्थ प्रकाशनका लागि प्राज्ञ उत्तमकृष्ण मजगैंया प्रधान सम्पादक रहेको सात सदस्यीय सम्पादक मण्डल चयन गरिएको छ । जसका सदस्यहरुमा डा। गोविन्द आचार्य, टीकाराम उदासी, आदिम के।सी।, केदारराज पाठक, हरिप्रसाद पाण्डेय र शारदा शर्मा रहेका छन् । त्यसैगरी नित्यानन्द शर्मा स्मृति ग्रन्थ प्रकाशन समितिमा सात सदस्यीय सल्लाहकार समिति पनि गठन गरिएको छ । सल्लाहकार समितिमा नारायण प्रसाद शर्मा, गिरीराज शर्मा, खगराज न्यौपाने, पुरुषोत्तम खनाल, पद्मप्रसाद शर्मा, शङ्कर पौडेल र कालिकादेवी शर्मा रहेका छन् । साथै स्मृति ग्रन्थमा प्रकाशन गरिने लेख रचनाका लागि श्रावण मसान्तसम्म स्रष्टा शर्मासँग सम्बन्धित लेख रचना सम्प्रेषण गर्न सम्पूर्ण सर्जकहरुलाई अनुरोध गरिएको छ।
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
